ତୁମ ପରେ
ତୁମ ପରେ
ଆତ୍ମା ତ ଅଜର ଅମର
ଶରୀରଟା ଖାଲି ନଶ୍ୱର ।
ପ୍ରିୟତମ , ହେ ମୋର ଈଶ୍ଵର,
ଅଜଣା ନାହିଁ ତ ଅନ୍ତର ଶୂନ୍ୟତା ମୋର !
ତୁୁମେ ଗଲା ପରେ ...
ଥମିନି ଗଗନ ..
ଥମିନି ପବନ ..
ଥମିିିନି ଜୀବନ..
ଆଗକୁ ବଢିଛି ବି ଏ ପ୍ରିୟା ତୁମର ,
ସାହାରା ଥିଲା ତୁମ ପ୍ରିତି ଭରା ସ୍ମୃତିର ,
ପୁଣି ଆମ ଅଲିଅଳି ହସର ।
ବୁଜି ଦେଇ ପେଡି ମୋ ଲୁହର ,
ବାସ ହୋଇଲା ପିତ୍ରାଳୟ ମୋର।
କିିଛି କାଳ କାଟିଲା ଏ ଅନ୍ତର,
ଲୁଚାଇ ହୃଦରେ ସନ୍ତାପ ଘୋର ,।
ବଢି ଚାଲିଲା ଦୃୃଢମନା ପ୍ରିୟା ତୁମର ,
ସାଉଁଟି ଉର୍ଜା କିଛି ଛବିରୁ ତୁମର ।
କିଛି ହସ ଦେଇ ହସିଲି
ଆମ ମାତାପିତାଙ୍କ ମୁଖରେ ,
ଗଢିଲି ସରଳ ମଧୁର ଜୀବନେ
ଦୁହିତାକୁ ଆମ ଯତ୍ନ ସହକାରେ ।
ଆଶାର କିରଣ ଥିଲ ସଦା
ତୁମେ ଆତ୍ମାର ଅଗୋଚରେ ।
ହେ ସ୍ୱଳ୍ପ କାଳ ସାଥୀ ମୋର ...
ଅମର ପ୍ରେମେ ଭରିଛି ମୋ ତିମିର,
ସେଇ ବାର ବର୍ଷର ସାନ୍ନିଧ୍ୟ ତୁମର ।
ହରାଇଛି ଆଜି ପୂଜ୍ୟ ଆମ ପିତାମାତାଙ୍କୁ,
ଜିଇଁଛି ଚାହିଁ ତୁମ ପ୍ରଦତ୍ତ ଉଜ୍ବଳ ପଥକୁ ।
ତୁୁମ ପରେ ମୋ ପ୍ରିୟ...
କିଛି ତ ଯାତନା ଅଛି ଏଠି ନିଶ୍ଚୟ ;
ପାଇଛି ବି ସୌହାର୍ଦ୍ୟ ସ୍ପର୍ଶର ଅଭୟ ,
କିଣି ଥିଲା ଯାହା ତୁମ ଉଦାର ହୃଦୟ ।
ଆତ୍ମା ତ ଅଜର .....
ଜ୍ଞାତରେ ତୁମ ସବୁ ନା ,
ପାଇଛି ଖୋଜି ସଙ୍ଗୀନୀ ଯେ ଅନନ୍ୟା,
ବାଣ୍ଟିଛି ତାଠି ଯେତେ ସୁଖଦୁଃଖର ଭାବନା।
ଅମାପ ଆତ୍ମବିଶ୍ଵାସେ ଜାଗିଛି ମୋ ଚିନ୍ତନା।
ଆଉ ଏକ ଯୁଗ ବିତାଇଛି ତୁମ ଅନ୍ତେ ..
ବଢାଇଲି ପଢାଇଲି କନ୍ୟାକୁ ଆମ
ସାରି ତୁମ ସଂଚିତ ଧନ ।
ସଜାଇଛି ସଂସାର ତା ,ବିଭାବେଳେ
ଢାଳି ସେନେହ ରତନ।
ଦେଖୁଛ ନା ସବୁ ନିଡରୁ ବ୍ୟୋମର ,
ହେଉଥିବ ତ ନିଶ୍ଚେ ବିଭୋର ,
ଲଭି ନାତି ପାକୁଆ ହସର ସମ୍ଭାର ।
କରିଛି ନା ! ଦାୟିତ୍ୱର ସଠିକ ସଂପାଦନ;
ଦେଖି କନ୍ୟାର ଅଂକୁରିତ ସଂସାର ଉଦ୍ୟାନ,
ଲୋତକେ ସ୍ନାତା ଏ ବେନି ନୟନ ।
ତୋଳିଧରି ସ୍ମୃତି ବିଭବ ଆନ
ବିତାଇବି ମୋ ବଳକା ଜୀବନ ।
ଆତ୍ମା ତ ଅଜର ଅମର
ଶରୀରଟା ଖାଲି ନଶ୍ୱର ।