ଲାଇବ୍ରେରୀ
ପ୍ରୋଫାଇଲ୍
ତୁମ ପାଶେ ଅଳି
ତୁମ ପାଶେ ଅଳି
1 min
2.8K
ପ୍ରଭୁ! ତୁମ ନାମ ସ୍ମରି
ସବୁ କର୍ମ ଯାଏ କରି।
ନିର୍ମଳ ହୃଦୟେ ଭକ୍ତି ଭରି,
ସମର୍ପିଲି ତୁଳସୀ ପତର।
ଫୁଲ ଯେତେ ଫୁଟିଛନ୍ତି ଅଗଣାରେ ମୋର ,
କରିଛି ମୁଁ ମନେ ମନେ
ସମର୍ପଣ ପୟରେ ତୁମର।
ହାତ ମୋର ଯାଏ ନାହିଁ କରିବାକୁ ବୃନ୍ତଚ୍ୟୁତ
ସମୟ ପୂର୍ବରୁ , ଏଥିପାଇଁ ମୋତେ କ୍ଷମା କର।
ଅଗଣାରେ ମହକୁ ସେ
ତା ମହକେ ମନ ତୋଷେ।
ତୁମେ ତ ପୂରିଛ ପ୍ରଭୁ
ପ୍ରତିକୋଣେ ଆକାଶେ ବତାସେ।
ସୁନ୍ଦର ସର୍ଜନା ତୁମ
ନିତି ପ୍ରତି ଦିବା ଯାମ
ଛୁଟଉ ତୁମ ଯଶ ତା'ର
ସୌନ୍ଦର୍ଯ୍ୟ ସୁବାସେ।
ଏତିକି ଅଳି ହେ ଶ୍ୟାମସୁନ୍ଦର!
କରେ ତୁମ ପାଶେ।
