ତୁମ ପାଇଁ
ତୁମ ପାଇଁ
ଆତ୍ମ ବିଶ୍ଵାସ ରେ ବିଷ ଦେବ ବୋଲି
ଆଗରୁ ଯାଣି ନ ଥିଲି ।
ଜୀବନ ରାସ୍ତା ର କ୍ଳାନ୍ତ ପଥିକ ମୁଁ
ତୁମ ସ୍ପର୍ଶ ଖୋଜୁଥିଲି ।।
ତୁମ ମିଠା କଥା ମନେ ପଡେ ଆଜି
ମରୁଛି ମୁଁ ଝୁରି ଝୁରି ।
କୋଉଠି ଅଛଗୋ ପାଖକୁ ମୋ ଆସ
ମିଠା କଥା ପଡୁ ଝରି ।।
ମୋ ମନର ବ୍ୟଥା ହୃଦୟର କଥା
କହିବି ତୁମକୁ ଆଜି ।
ତୁମ ପାଦ ଶବ୍ଦ ବାଜୁଛି କାନରେ
ସତେ ତୁମେ ଆସୁଛ କି ।।
କାହିଁକି କେଜାଣି ତୁମ ସ୍ମୃତି ସବୁ
ମନେ ପଡେ ଗୋଟି ଗୋଟି ।
କାଲି ପରି ଲାଗେ ଏତେ ଆଦରରେ
କୋଳେଇ ନେଇ ଥିଲ ଟି ।।
ଆଜି କିଆଁ କିଛି ଉତ୍ତର ନଦେଇ
ରହିଗଲ ନୀରବରେ ।
ସୂର୍ଯ୍ୟ ବିନା ପଦ୍ମ ଚନ୍ଦ୍ର ବିନା କଇଁ
ଅଲଗା ରହିକି ପାରେ ।।
କିପରି ଭାବିଲ ତୁମ ବିନା ମୁହଁ
ଜୀବନ ଧରି ପାରିବି ।
ତୁମ ଚୁପ୍ ଚୁପ୍ ମିଠା କଥା ସବୁ
ମନେ ପଡେ ମୋର ଆଜି ।।
ଆସୁ ନ କାହିଁକି ତୁମ ଅପେକ୍ଷାରେ
ତୁମ ପ୍ରେମିକା ବସିଛି ।
ନ ଆସିଲେ ଆଜି ମରିବି ନିଶ୍ଚୟ
କାନ୍ଦୁଥିବ ଖୋଜି ଖୋଜି ।।
ମରିଗଲା ପରେ ଭାବିବ କେଜାଣି
ମରିଗଲା ତରିଗଲା ।
ଜିଦଖୋର ପ୍ରିୟା ପ୍ରେମିକା ପଣରେ
ଭାରି ହଇରାଣ କଲା ।।
ଦିନ ମୋର ଶେଷ ହେଇ ଗଲାଣି ଗୋ
ଯାଉଛି ତୁମକୁ ଛାଡି ।
ମୋ ବିନା ପ୍ରିୟ ଗୋ ଭଲରେ ରହିବ
ସମ୍ପର୍କ ନ ଯାଉ ଛିଡି ।।
ଅଫେରା ରାସ୍ତା ର ପଥିକ ସାଜିଲି
ଅଳପ ଦିନର ବନ୍ଧୁ ।
ପାଶୋରୀ ଦେବନି ମନରୁ ତୁମର
ବୋହୁ ମୋ ଆଖିରୁ ସିନ୍ଧୁ ।।