ତୁମ ନୀରବତାକୁ

ଆସିବାକୁ ଚାହଁ ଯଦି, ଚାଲି ଆସ ପଚାରନା।

ମୋ ଦୁଆର ପଢ଼ିନେବ, ତୁମ ଆଖି ମୋ ନାଆଁ।।

ଦାଣ୍ଡ ଘର କବାଟ ବି, ପରିଚୟ ଚିହ୍ନିପାରେ ।

ଶିକୁଳି ବି ଝୁଲିଯିବ, ଜାଣିଛି ସେ ତୁମ ନାଆଁ।।

ନିଃଶ୍ୱାସ ଯେ ବାହାରୁଛି, ନାକ ପୁଡ଼ା ବାଟ ଦେଇ।

ମୋ ଅଗଣା ପବନ ବି, ଶୁଙ୍ଘି ନେବ ତୁମ ନାଆଁ।।

ଧକ ଧକ ଛାତି ତୁମ, ହେଉଥିବ ରହି ରହି ।

ନିଃଶବ୍ଦ ସେ ପ୍ରତିଧ୍ୱନି, କହୁଥିବ ମୋ ନାଆଁ।।

ଗାଲର ଲାଲିମା ଦେଖି, ମୋ କବାଟ ଫାଙ୍କ ଆଖି ।

ପରିଚୟ ଚାହିଁବନି, ଚାଲିଆସ ପଚାରନା।।

ଅଧିକାର ମୋ ଉପରେ, ମୋ ନିଜର ଯେତେ ଅଛି,

ସବୁଥିରେ ଲେଖା ଅଛି, ତୁମ ନାଆଁ ମୋ ନାଆଁ।।

****** ****** ****** ******