ତୁମ କଥା ଭାରି ମନେ ପଡେ
ତୁମ କଥା ଭାରି ମନେ ପଡେ
ଅନେକ ଦିନରୁ ନୟନ ତରସେ
ରହିଅଛ କିପରି ଉହାଡେ
ଅବୁଝା ମନକୁ ବୁଝାଇ ପାରୁନି
ତୁମ କଥା ଭାରି ମନେ ପଡେ । (୦)
ବିରହ ବେଦନା ଦିଅଇ ଯାତନା
ଝୁରି ମରୁଥାଇ ନିତି ମନ
ପ୍ରତୀକ୍ଷା ମୋହର ହେବ କେବେ ଅନ୍ତ
କହି ଦିଅ ହେ ଜୀବ-ଜୀବନ
ତୁମ ସ୍ନେହ ପ୍ରୀତି ହୃଦୟରେ ମାତି
ଆବେଗତା ପ୍ରତିକ୍ଷଣ ବଢେ । (୧)
ଫିକାଫିକା ଲାଗେ ଫଗୁଣ ମହକ
ସତେ କି ହୃଦୟେ ଗ୍ରୀଷ୍ମ ତାତି
ଆଶା ତରୁ ମୋର ମଉଳି ପଡ଼ଇ
ମନକୁ ନ ମିଳେ ଟିକେ ତୃପ୍ତି
ନୀରସ ଜୀବନ ଲାଗଇ ଅସାର
ଠିଆ ହୋଇ ପାରେନାହିଁ ଦୃଢେ । (୨)