Library
Profile
ତୁମ ଅପେକ୍ଷାରେ ପ୍ରିୟେ
ତୁମ ଅପେକ୍ଷାରେ ପ୍ରିୟେ
1 min
277
ଭୋକିଲା ସର୍ବାଙ୍ଗ କାମନାର ରଙ୍ଗ
ଭରିଦେଲ ମୋର ଦେହେ,
ଏ ମନ ଯୌବନ ଖୋଜଇ ମିଳନ
ତୁମ ଅପେକ୍ଷାରେ ପ୍ରିୟେ ।
ବୟସ କୁଆଁରା ଥିଲି ମୁଁ ଆବାରା
ବାନ୍ଧି ଦେଲ ପ୍ରୀତି ଫାଶେ,
ଖୋଜୁ ଅଛି ଆଜି ତୁମ ବାହୁ ରାଜି
ବିରହର ଅବଶୋଷେ ।
ତୁମରି ବନ୍ଧନେ ତୁମରି ଚୁମ୍ବନେ
ଭିଜିବାକୁ ମନ ଚାହେଁ,
ଏ ମନ ଯୌବନ ଖୋଜଇ ମିଳନ
ତୁମ ଅପେକ୍ଷାରେ ପ୍ରିୟେ ।
ଉଆଁସ ଅନ୍ଧାରେ ନିତି ଯାମିନୀରେ
ତୁମେ ସାଜ ମୋର ଚାନ୍ଦ,
Advertisement
ତୁମେ ପୂର୍ଣ୍ଣିମାଁ କି ମଲା ଜହ୍ନ ଟିଏ
ମନେ ହୁଏ ମୋର ଦ୍ୱନ୍ଦ ।
ମୋ ଦେହ ରୁଧିର ହୃତପିଣ୍ଡ ଧାର
ଧକ ଧକ କରି କୁହେ,
ଏ ମନ ଯୌବନ ଖୋଜଇ ମିଳନ
ତୁମ ଅପେକ୍ଷାରେ ପ୍ରିୟେ ।
ଅମାନିଆଁ ପ୍ରୀତି ଛାଡିଦେଇ ଭୀତି
ଚାଲିଆସ ଥରେ ଦେଖି,
ମନ ଆଈନାରେ ହୃଦ ଯମୁନାରେ
ତୁମ ଛବି ଅଛି ଲାଖି ।
ନିନ୍ଦା ଅପମାନ ଛାଡି ଅଭିମାନ
ତୁମ ଉପସ୍ଥିତି ଚାହେଁ,
ଏ ମନ ଯୌବନ ଖୋଜଇ ମିଳନ
ତୁମ ଅପେକ୍ଷାରେ ପ୍ରିୟେ ।
