ତୁ

ମୋ ମନ

ହୃଦୟ

ଜୀବନ

ଜୀଇଁବା

ଭାଵନା

ସଂଘର୍ଷ

ସଂଘାତ

ସ୍ବପ୍ନ

ସମ୍ଭାବନା

ସୃଷ୍ଟି

ସୃଜନରେ

ଗୋଟିଏ ଶବ୍ଦ ଛାଇ ହୋଇ ରହିଛି

"ତୁ "।

ମନେ ଅଛି ତୋର

ଥରେ କହିଥିଲି

ଚୁପି ଚୁପି ତୋ କାନେ!

ତୋତେ ସବୁଦିନେ

କଏଦ କରି ନେଉଛି

ମୋ ହୃଦୟ କାରାଗାରେ

ବନ୍ଧୀ ହୋଇ ରହିବୁ

ମୋ ଶ୍ବାସକ୍ରିୟା ଚାଲୁଥିବା ପର୍ଯ୍ୟନ୍ତ।

ସବୁଠୁ ବଡ଼ କଥା

ତୋତେ କଥା ଦେଇ ଭୁଲି ଯାଇନି

ସାଇତିଛି

ନିହାତି ଜାବୁଡି ଧରିଛି 

ସବୁକ୍ଷଣ

ବେଶୀ ଯେବେ କଲମ ଧରେ

ତୁ ତ ଆଗ ଆସି ବସିଯାଉ 

କଲମ ଅଗରେ

ତୁ ଆଗେ ଆଗେ ଚାଲିଥାଉ

ମୁଁ କେବଳ ତୋତେ ଅନୁସରଣ

କରୁଥାଇ ଯାହା

ତୋ ବିନା

ଜୀବନ ସମ୍ଭବ କି?

ମୋ ନିଃଶ୍ବାସ ବା ତୁ !