ଟୋପାଏ ସିନ୍ଦୂର

ଟୋପାଏ ସିନ୍ଦୂର ମଥାରେ ଲାଗିଲେ

ଝିଅ ହୁଏ ପରଧନ

ଅଜଣା ମଣିଷ ହୁଏ ଆପଣାର

ଚୋରି କରିନିଏ ମନ

ମିଠା ବାଲ୍ୟକାଳ ସାଙ୍ଗସାଥି ମେଳ

ମିଛ ବାଲିଘର ଖେଳ

ସ୍ମୃତି ହୋଇ ଖାଲି ରହିଯାଏ ହୃଦେ

ଅମଳିନ ଚିରକାଳ

ଆତ୍ମୀୟ ସୋଦର ହୋଇଯାନ୍ତି ପର

ପର ହ୍ୱନ୍ତି ଆପଣାର

ଗାଆଁ ଦାଣ୍ଡ ତା'ର ହୋଇଯାଏ ଦୂର

ବାନ୍ଧି ସମ୍ପର୍କର ଡୋର

ବିଶ୍ୱାସ ଭରସା ସେନେହ ଶରଧା

ହୃଦୟରେ ଭରି ଦେଇ

ଅଜଣା ସାଥୀର ହାତେ ହାତ ଛନ୍ଦେ

ସିନ୍ଦୂରକୁ ଆପଣେଇ

ନାରୀ ଜନ୍ମ ସତେ ସାର୍ଥକ ହୁଅଇ

ନୂଆ ପରିଚୟ ପାଏ

ସ୍ୱାମୀ ତା' ଦେବତା ପ୍ରୀତିପୁଷ୍ପ ଦାତା

ସିନ୍ଦୂରକୁ ତୁଲେ କିଏ

କର୍ତ୍ତବ୍ୟ ଆଦରି ପତ୍ନୀ ଧର୍ମ ବରି

ଲଭେ ନାରୀ କୋଟି ପୂଣ୍ୟ

ଅମୂଲ୍ୟ ରତନ ସିନ୍ଦୂରର ସ୍ଥାନ

ରଖିଥାଏ ସଦା ମାନ

ସଉଭାଗ୍ୟବତୀ ନାରୀ ଧର୍ମ ରୀତି

ସିନ୍ଦୂରର ମହାଦାନ

ସିନ୍ଥିରେ ଲାଗିଲେ ଟୋପାଏ ସିନ୍ଦୂର

ନାରୀଜନ୍ମ ହୁଏ ଧନ୍ୟ