ତଥାପି ଜୀବନ

ବଞ୍ଚିବାକୁ ହେଲେ ସହିବାକୁ ହୁଏ

ଅନେକ ଯନ୍ତ୍ରଣା ଏଠି

ଲାଭ, କ୍ଷତି ଆଉ ହସ ଓ କାନ୍ଦ ର

ନାହିଁ କିଛି ମାପକାଠି ।

ଇଚ୍ଛା ନଥିଲେ ବି ହସିବାକୁ ହୁଏ

ଲୁଚାଇ ଆଖିର ଲୁହ

ମିଛ ଅଭିନୟ କରିବାକୁ ହୁଏ

ଭୁଲି ହୃଦୟର କୋହ ।

ନିଜ ପାଇଁ ନୁହେଁ ଅନ୍ୟ ପାଇଁ ଏଠି 

ବଞ୍ଚିବାକୁ ହୋଇଥାଏ

କର୍ତ୍ତବ୍ୟ ନିର୍ବାହ କରୁ କରୁ ଦିନେ

ସମୟଟା ସରିଯାଏ ।

ଲୋଭ,ମୋହଗ୍ରସ୍ତ ସଂସାରରୁ ଯେବେ

ସରିଯାଏ ଅଭିନୟ

ରିକ୍ତ ହସ୍ତ ହୋଇ ସମସ୍ତଙ୍କୁ ଛାଡ଼ି

ନେବାକୁ ହୁଏ ବିଦାୟ ।

ତୁମ ତ୍ୟାଗ ଆଉ ବଳିଦାନ ଯେତେ

କେହି ପାରନ୍ତିନି ଜାଣି

'ତଥାପି ଜୀବନ' ଜୀଇଁବାକୁ ହେବ

ଏତେ ସବୁ ଜାଣି ଶୁଣି ।