Library
Profile
ତଥାପି ଭାରତ କାନ୍ଦୁଛି
ତଥାପି ଭାରତ କାନ୍ଦୁଛି
ଭାରତ ମାତା କାନ୍ଦୁଅଛି ଆଜି
ଅନେକ ବେଦନା ପାଇ
ଭାରତ ସିନା ସ୍ୱାଧୀନ ହୋଇଲା
ଦୁଃଖ ତାର ଗଲା ନାହିଁ....
କେତେ କେତେ ଵୀର ସନ୍ତାନ ହରାଇ
ଭାରତ ସ୍ୱାଧୀନ ପାଇଛି
କେତେ ବୈଦେଶିକ ବେଦନା କୁ ବହି
ଦୁଃଖରେ ସେ ଦିନ କାଟିଛି....
ଭାବିଥିଲା ସିଏ ସ୍ୱାଧୀନ ପାଇଲେ
ହସରେ ଖୁସିରେ ରହିବ
କିଏ ଜାଣିଥିଲା ସ୍ବାଧୀନତା ପରେ
ଅନେକ କଷଣ ମିଳିବ.....
ବାହାରରେ ଶତ୍ରୁ ଭିତରରେ ଶତ୍ରୁ
କାହା ସହ କେତେ ଯୁଝିବ
ଆପଣା ଲୋକତ ଦୁଃଖ ଦେଉଛନ୍ତି
କାହା ଆଗେ ଯାଇ କହିବ.....
ବାହାର ଶତ୍ରୁ କୁ ମୁକାବିଲା ପାଇଁ
ବୀର ସନ୍ତାନ ଅଛନ୍ତି
ଭି
ତର ଶତ୍ରୁ ଯେ ଆପଣାର ହୋଇ
ମାଆ ଦୁଃଖ ବୁଝୁନାହାନ୍ତି.....
ନିଜ ସ୍ୱାର୍ଥ ପାଇଁ ନିଜର ମାଆ କୁ
କ୍ଷତ ବିକ୍ଷତ କରନ୍ତି
କିଛି ଅର୍ଥ ପାଇଁ ଦେଶ ଗୁପ୍ତ କଥା
ଶତ୍ରୁ ହାତେ ଟେକି ଦିଅନ୍ତି.....
ଭାରତ କୋଳରେ ନାରୀଟିଏ ଆଜି
ଘୁରି ବୁଲିବାକୁ ଡରୁଛି
ସ୍ୱାଧୀନ ଭାରତେ ନାରୀଟିଏ ଆଜି
ପରାଧୀନ ହୋଇ ରହିଛି.....
ଦେଶର ହିତ କୁ ପଛରେ ପକେଇ
ହୀନ ରାଜନୀତି ଚାଲୁଛି
ରକ୍ଷକ ଏଠାରେ ଭକ୍ଷକ ହୋଇ
ଭାରତ କୁ ନିନ୍ଦା ଦେଉଛି...
ଆଧୁନିକ ହୋଇ ମୋ ଭାରତ ମାତା
ବିଶ୍ୱରେ ପ୍ରଶଂସା ପାଉଛି
ବିଶ୍ୱରେ ପ୍ରଶଂସା ପାଉଅଛି ସିନା
ତଥାପି ଭାରତ କାନ୍ଦୁଛି......
