ତ୍ରିରଙ୍ଗାର ବାର୍ତ୍ତା

ତିନି ରଙ୍ଗ ପାଇଁ ମୋ ନାମ ତ୍ରିରଙ୍ଗା

ମୋତେ ଦେଶବାସୀ ପୂଜ

ଉପର ନାରଙ୍ଗୀ ମଝି ଭାଗ ଧଳା

ତଳଟି ଅଟେ ସବୁଜ ।

ନାରଙ୍ଗୀ ରଙ୍ଗଟି ସମସ୍ତଙ୍କୁ ଦିଏ

ବୀରତ୍ଵ, ତ୍ୟାଗର ବାର୍ତ୍ତା

ଧଳା ରଙ୍ଗ ବାର୍ତ୍ତା ଅଟଇ ପିଲାଏ

ସତ୍ୟ, ଶାନ୍ତି ,ପବିତ୍ରତା ।

ଗାଢ଼ ନୀଳ ରଙ୍ଗ ଅଶୋକ ଚକ୍ରଟି

ଧଳା ରଙ୍ଗ ମଧ୍ୟେ ରହି

ନ୍ୟାୟ,ଧର୍ମ ତଥା ପ୍ରଗତି ସୂଚାଏ 

ଶୋଭାକୁ ବଢ଼ାଏ ସେହି ।

ଚବିଶି ଅରଟି ଚବିଶି ଧର୍ମକୁ

ଦିଅଇ ସମ ସୀକୃତି

ସବୁଜ ରଙ୍ଗର ବାର୍ତ୍ତା ଅଟେ ପରା

ବିଶ୍ୱାସ, ଶ୍ରମ ,ସମୃଦ୍ଧି ।

ଦୈର୍ଘ୍ୟଟି ପ୍ରସ୍ଥର ଦେଢ଼ ଗୁଣ ମୋର

ଅଟେ ମୁଁ ଆୟତାକାର

ଜାତୀୟ ଦିବସେ ଉଡୁଛି ଆଗକୁ

ଉଡୁଥିବି ଫର୍ ଫର୍ ।