ଲାଇବ୍ରେରୀ
ପ୍ରୋଫାଇଲ୍
ତ୍ରିରଙ୍ଗା ସବୁଠି
ତ୍ରିରଙ୍ଗା ସବୁଠି
1 min
164
ପୂଣ୍ୟ ଭୂମି ଧର୍ମ ଭୂମି ସୁନ୍ଦର ତା ନାଆଁ
ତିନି ଅକ୍ଷରରେ ସିଏ ଭାରତ ମୋ ମାଆ
ନିତି ନିତି ପାଦଧୁଏ ବଙ୍ଗୋପସାଗର
ମୁକୁଟ ଶୋଭାପାଏ ହିମାଳୟ ତାର
ସୁଯୋଗ୍ୟ ଦାୟାଦ ପାଇଁ ଗର୍ବ କରେ ଯିଏ
ସିଏ ମୋ ଭାରତୀ ମାଆ ଆଉ କେହି ନୁହେଁ
ନାନା ଜାତି ନାନା ଧର୍ମ ସନ୍ତାନକୁ ସିଏ
ସେନେହ ଆଦର କରି ନିତି ପାଳୁଥାଏ
ଧର୍ମନିରପେକ୍ଷ ଦେଶ ଏହି ମୋ ଭାରତ
କୁହୁ ତାନେ ପକ୍ଷୀ ରାବ ନିତି ଦିଅନ୍ତି ତ
କୂଳୁକୂଳୁ ବହି ଯାନ୍ତି ଗଙ୍ଗା ଯମୁନା ସରସ୍ବତୀ
ବାରମାସେ ତେର ପର୍ବ ସଭିଏଁ ପାଳନ୍ତି
ସ୍ନେହ ଶ୍ରଦ୍ଧା ଆତ୍ମୀୟତା ଭରିଅଛି ଏଠି
ସେପାଇଁ ଫରଫର ଉଡେ ତ୍ରିରଙ୍ଗା ସବୁଠି
