ତ୍ରିରଙ୍ଗା ପତାକା
ତ୍ରିରଙ୍ଗା ପତାକା
ପଞ୍ଚସ୍ତୋରୀ ବର୍ଷ ହୋଇଗଲା ଆସି
ଆମ ଦେଶ ସ୍ୱାଧୀନକୁ
ପଲ୍ଲୀ ଠୁଁ ସହର କରି ଜୟ ଗାନ
ଉଡାଇବା ତ୍ରିରଙ୍ଗାକୁ l
ଅମୃତ ଉତ୍ସବ ପାଳନ କରିବା
ସ୍ୱାଧୀନତା ଦିବସର
ସ୍ମରଣ କରିବା ବୀର ସହୀଦଙ୍କୁ
ଆଉ ତ୍ୟାଗକୁ ତାଙ୍କର l
ବାଜିଆ ଭଗତ ଉଦ୍ଦାମ ସିଂ ଆଦି
ଦେଶ ସ୍ୱାଧୀନତା ପାଇଁ
ସହୀଦ ହୋଇଲେ ଆମ ଦେଶ ପାଇଁ
ନିଜ ଜୀବନକୁ ଦେଇ l
ଆକାଶରେ ଉଡେ ତ୍ରିରଙ୍ଗା ପତାକା
ତିନୋଟି ରଙ୍ଗକୁ ଧରି
ମଝିରେ ରହିଛି ଶ୍ୱେତ ରଙ୍ଗ ସେ ଯେ
ଶାନ୍ତି ମୈତ୍ରୀକୁ ପ୍ରଚାରି l
ଉପରେ ରହିଛି କମଳା ରଙ୍ଗଟି
ବୀରତ୍ୱର ଚିହ୍ନ ସେହି
ଶାଗୁଆ ରଙ୍ଗଟି ତଳେ ରହି ଅଛି
ପ୍ରଗତି ଚିହ୍ନକୁ ନେଇ l
ଅଶୋକ ଚକ୍ରରେ ଚବିଶଟି ଅର
ସମୟ ସୂଚାଇଥାଏ
ନୀଳ ରଙ୍ଗର ଅଶୋକ ଚକ୍ରଟି
ସତ୍ୟ ଶାନ୍ତି ବାଣ୍ଟି ଦିଏ l
କୋର୍ଟ ପାର୍ଲିଆମେଣ୍ଟ ବିଧାନସଭା
ରାଜ୍ୟପାଳ ଭବନରେ
ରାଷ୍ଟ୍ରପତିଙ୍କର ଭବନେ ପତାକା
ଉଡ଼ଇ ସବୁଦିନରେ l
ପିଙ୍ଗାଲି ଭେଙ୍କୟା ପ୍ରଥମେ ରୂପ
ପତାକାର ଥିଲେ ଦେଇ
ଉଣେଇଶ ସତଚାଳିଶରୁ ଉଡେ
ସ୍ୱାଧୀନ ଭାରତ ପାଇଁ l
ଉଡାଇ ତାହାକୁ ତାହାରି ତଳେ
ଆସରେ ଶପଥ ନେବା
ଦେଶ ପାଇଁ ଆମେ ବଞ୍ଚିଥିବା ଯାଏଁ
କର୍ମ କିଛି କରିଯିବା ll