ତୋ ପରି ଖୋଜୁଛି

ବନ୍ଦ ଆଖି ଖୋଜେ ତୋ ସପନ

ଖୋଲା ଆଖି ତୋ ନୟନ

କ୍ଳାନ୍ତ ମଥା ଖୋଜେ ତୋର କୋଳ

ଶାନ୍ତ ମଥା ତୋ ପ୍ରୀତି ଚୁମ୍ବନ

କାନ ଖୋଜେ ତୋର କଅଁଳ କଥା

ରାତି ହେଉ କି ଦିନ

ହାତ ଖୋଜେ ତୋ ଚୁଟି ସବୁ

ଝୁଣି କରିବାକୁ ରଣଭଣ

ନାକ ଖୋଜୁଥାଏ ଅତର ବାସ୍ନା

ତୋ ଅଧୁଆ ଜାମାପଟାରୁ

ପାଟି ଖୋଜୁଥାଏ ଗପିବାକୁ ଟିକେ

ସାଇତା କଳ୍ପନା ଭିତରୁ

ପାଦ ଖୋଜୁଥାଏ ଚାଲିବାକୁ

ତୋତେ ଯେଉଁ ରାସ୍ତା ପସନ୍ଦ

ମନ ଖୋଜୁଥାଏ ସବୁ ରାସ୍ତା ମୋର

ତୋ ଠାରେ ହେଉ ବନ୍ଦ

ତୁ ନା ଅବୁଝା, ଅଝଟିଆ

କହୁଥାଉ ତୋତେ ଖୋଜେନା

ଗୋଟିଏ କଥା ସଦା ପ୍ରଚଳିତ

"ଏକ ହାତେ ତାଳି ବାଜେନା " ।