ତୋ ବିନା ଲାଗୁଛି ସବୁ ବିଷ

ଝରା ପତ୍ର ପରି ବୟସ ଝରୁଛି

ତୋ'ସ୍ମୃତି ଫର୍ଦ୍ଦକୁ ନେଇ

ମୋ ହୃଦୟ ତଟରେ ତୋହରି ଚେହେରା

ଆନମନା କରେ ରହି ରହି ।

ମୋ ହୃଦୟର ପ୍ରତି ସ୍ପନ୍ଦନରେ

ତୋ'ସ୍ନେହର ପ୍ରୀତି ଛିଟା

ଯେତେ ଭାବେ ବସି ଅତୀତ ପୃଷ୍ଠାକୁ

ସେତେ ବଢେ ନିରବତା ।

ମନ ଆଇନାରେ ନିଶୀଥରେ ଯେବେ

ଉଙ୍କି ମାରେ ତୋର ଛବି

ବଞ୍ଚି ଥାଇକି ବି ନିଇତି ମରେ ମୁଁ

ତୋ'କଥା ଭାବି ଭାବି ।

ଯେତେ ବଢିଚାଲେ ରାତିର ବୟସ

ସେତେ ସରିଆସେ ଆୟୁଷ

ତୋ'ବିନା ସଂସାର ମିଛ ମରୀଚିକା

ସବୁକିଛି ଲାଗେ ମୋତେ ବିଷ ।