ତମହେଁ ବଡା ଠକ୍ସ

ତମର୍ କଥାନୁ 

ଭାବିଥିଲିଂ ତମେ ବିଶ୍ବାସୀ,

ଭାବବାର୍ ଭିତରେ 

ଦିନ୍ ବେଲେ ଦେଖେଇ ଦେଲ

ଅବିଶାସର୍ ବଏଠି ।

ହୁରୁଦ୍ ଭିତରର୍ କଥାକେ

ବୁଝି ପାରସ ଭାବଲି

ତେହିଁର୍ ଲାଗେ ଆଏଜ୍

ଆଣ୍ଠେ ପନି ଡୁବଲି

ଯେତକି ନିଜର୍ ଭାବଲି

ହେତକର୍ ହିନିସ୍ତା ହେଲିଁ ।

କହେଲାର୍ କଥା 

ଜୁନହା ପଡଲାନେ

ସରି ଆସଲାନେ ସମିଆ

ନାଇ ଜାନି ପାର୍ଲି 

କେନଥି ରହିଗଲା ମୋର୍ କମି,

ହେତିର ଲାଗେ ତ 

ଆଏଜା ତମେ ବିଶକରମା

ଆର୍ ମୁଇ କୁଡ଼ସି ଜମି ।

କର୍ମା କର୍ମା ବଲିଁ ସରେଇଦେଲ 

ତମହେଁ ଗଢୁଥିବାର୍ ଦେଉଲର୍ ଚୂଲି

ଗାଆଁର୍ ଗଅଁଟିଆ ଗୁସିଆଁ ରଜା

ମତେ ନାଇ କରଲ ଘାଏ ସୋର୍

ଆର୍ ତମହେଁ ପାର୍ ହିଗଲ ସମୂଦର୍

ମୁଇ ନି ଡେଗି ପାରଲି ଜୋର୍ ।

ହେତଉଛେଁ ମୁଇ ଜୁନହା କଥାକେ

ମନ୍ ଛାଡିକରି ମହକ୍ ଦେଖସ

ତମହେଁ ବଡା ଠକ୍ସ

ହଏ ଗୋ ତମେ ବଡା ଠକ୍ ସ ।