ତମେ

ତମକୁ ଯେତେ ଆପଣାର ଭାବୁଛି, 

ତମେ ସେତିକି କାହାକୁ ଖୋଜୁଛ

ତମକୁ ଯେତେ ମୁଁ ଝୁରୁଛି

ତମେ ଆଉ କାହାକୁ ନିଜର କରୁଛ !

ଚିରଦିନ ନୁହେଁ ଏହି ଜୀବନ

ତମେ ବି ଜାଣିଛ

ମୋ ଭାବନାରେ ଥିବାର ଜାଣି 

ଆଉ କାହା ସପନେ ହଜୁଛ ।

ହୃଦୟ ମୋ ଭାରି ସରଳ

ଖୁବ ସହଜରେ ଭରି ପାର ଗରଳ

ଭାବନି ପ୍ରତିବାର ସମୟ ତୁମ ହାତରେ ଥିବ

ମୁଁ ଚାଲିଲି ଜଳିବାକୁ ଜୁଇରେ

ସ୍ୱର୍ଗକୁ ସମର୍ପି ମୋ ଶାଶ୍ୱତ ପ୍ରେମ ।

ତମେ ହସୁଥିବ, 

ମୁଁ ଲିଭି ଯାଇଥିବି !

ତମ ହାତରେ ପବିତ୍ର ଶଙ୍ଖା

ଆନନ୍ଦେ ନୃତ୍ୟ କରୁଥିବେ

ମୁଁ ଗୁମୁରି କାନ୍ଦୁଥିବି ।।