ତାରା ହେଇଯିବି

ଜାଣେ ତମେ ଦିନେ ହଜିଯିବ

ମୋ ପୃଥିବୀରୁ

ତଥାପି ତମେ ହଜିବା ଯାଏଁ ତ

ମୋର ହେଇ ଥିବ

ଆଉ ତମେ ଯେବେ ଯିବ

ମୁଁ କ'ଣ ଆଉ ଥିବି

ତୁମେ ଯିବା ପରେ ପରେ ହିଁ 

ସେଇ ଦୂର ଆକାଶରେ ମୁଁ ବି

ତାରା ହେଇଯିବି ।

ଯଦି କେବେ ମନେ ପଡ଼େ ମୁଁ

ଆଖି ଉଠେଇ ଥରୁଟେ ଦେଖି ନେବ

ଏ ଆକାଶକୁ

ଦେଖିବ ସେମିତି ମୁଁ ତମକୁ ଚାହିଁଥିବି

ଯେମିତି ଚାହୁଁଥିଲି

ଦୁନିଆରୁ କେବେ ଯଦି 

ପ୍ରତାରଣା ମିଳେ

ଭୁଲ୍ ରେ ବି କାନ୍ଦିବନି କେବେ

କେହି ନଥିଲେ ବି ତୁମ ସାଥେ

ଭାବି ନେବ ମୁଁ ଅଛି

ସବୁବେଳେ ତୁମ ପାଖେ ।