ସୂର୍ଯ୍ୟ ପରାଗ
ସୂର୍ଯ୍ୟ ପରାଗ
ସୂର୍ଯ୍ୟ ଚାରି ପାଖେ ପୃଥିବୀ ଘୁରଇ
ଚନ୍ଦ୍ର ଘୁରେ ପୃଥିବୀକୁ,.
ସୂର୍ଯ୍ୟ କରିଥାନ୍ତି ଆଲୋକ ପ୍ରଦାନ
ଗ୍ରହ ଓ ଉପଗ୍ରହଙ୍କୁ l
ସୂର୍ଯ୍ୟ ଚାରିପଟେ ଘୁରିବା ସହିତ
ନିଜେ ନଟୁପରି ଘୁରେ,
ଦିନରାତି ପୃଥିବୀ ରେ ସେଥିପାଇଁ
ଘୁରିବାର ଅନୁସାରେ l
ଅମାବାସ୍ୟା ଦିନ ସୂର୍ଯ୍ୟ ପୃଥିବୀର
ଚନ୍ଦ୍ର ରୁହଇ,ମଝିରେ,
ଏକ ସମତଳେ ରହିଥାନ୍ତି ଯେଣୁ
ଚନ୍ଦ୍ର ଛାୟା ପୃଥିବୀରେ l
ଆଂଶିକ ଆଉ ପୂର୍ଣ୍ଣ ସୂର୍ଯ୍ୟ ପରାଗ
ଅବସ୍ଥାନ ହେତୁ ହୁଏ,
ଅଳପ ସମୟ ହୋଇଥାଏ ଏହା
ଛାଇ ପଡ଼ିଥିବା ଯାଏଁ l
ପୁରାଣ କୁହଇସୂର୍ଯ୍ୟ ଚନ୍ଦ୍ର ଙ୍କର
ଶତ୍ରୁ ଦୁହେଁ ରାହୁ କେତୁ,
ସେପାଇଁ ଗିଳିଥାନ୍ତି ସୂର୍ଯ୍ୟ ଙ୍କୁ ସେ
ପରାଗ ତାହାର ହେତୁ l
ଅମୃତ ଖାଇବା ଆଶାରେ ଦାନଵ
ଲୁଚି ଥିଲା ଦେବ ମେଳେ,
ଖାଇବା ଆରମ୍ଭକରିବା ସମୟେ
ସୂର୍ଯ୍ୟ ଚନ୍ଦ୍ର କହିଦେଲେ ।
ମୋହିନୀ ରୂପକୁ ତ୍ୟାଗି ବିଷ୍ଣୁ ସ୍ୱୟଂ
କାଟିଲେ ଚକ୍ରରେ ଶିର,
ଶିର ରାହୁ ସେତ ଦେହହେଲା କେତୁ
ତେଣୁ ରାଗ ଭୟଙ୍କର l
ଗରିଷ୍ଠ ଖାଦ୍ୟ ଗ୍ରହଣ ନିଷେଧ
ହୋଇଥାଏ ପରାଗରେ,
ସୂର୍ଯ୍ୟଙ୍କ କିରଣ ପଡ଼େନାହିଁ ଯେଣୁ
ଦେହକୁ ଖରାପ କରେ l
ଦେବ ନୀତି ଆଉ ପାକନୀତି ଆଦି
ନିଷେଧ ଯେ ହୋଇଥାଏ,
ପୁରାଣ କାଳରୁ ପ୍ରଥା ରହିଅଛି
ମାନିବା ଉଚିତ ହୁଏ l
କାର୍ତ୍ତିକ ର ଅମାବାସ୍ୟା ତିଥିରେ
ହେଉଛି ପରାଗ ଯେଣୁ,
ମାନିଯିବା ଆମେ ଯେଉଁ ମତ ହେଉ
ଆମ ପାଇଁ ହିତ ମାନୁ l