Exclusive FREE session on RIG VEDA for you, Register now!
Exclusive FREE session on RIG VEDA for you, Register now!

ଅଜୟ କୁମାର ବେହେରା

Inspirational


4.1  

ଅଜୟ କୁମାର ବେହେରା

Inspirational


ସୁରା ସ୍ମୃତି

ସୁରା ସ୍ମୃତି

1 min 81 1 min 81

କରିଲି ଚିଅର ପିଇଲି ବିଅର  

   ଚାଖଣା ଚିକେନ୍ କସା ।

ଜାଣି ପାରିଲିନି କେତେ ମୁଁ ପିଉଛି

 ହୋଇଗଲା ମୋତେ ନିଶା ।୧।


ସନ୍ଧ୍ୟାରେ ଆରମ୍ଭ ସକାଳ ହୋଇଲା

    ପିଇବା ସରିଲା ନାହିଁ ।

  ନିଶା ଟୁଳୁଟୁଳୁ ଆଖି ଜୁଳୁଜୁଳୁ

    ବିଅରକୁ ଥିଲି ଚାହିଁ ।୨।


ଲୋକ ଜମା ହେଲେ ଥଟ୍ଟା କରୁଥିଲେ

    ଦେଖିଲି ମାମୁଁଙ୍କ ଗାଡି ।

 ମଦୁଆ ଜାତିରେ ନାମ ଲେଖେଇଲି

    ଗଲି ମୁଁ ଗାଡ଼ିରେ ଚଢି ।୩।


ମାମୁଁ ମାଇଁ ମିଶି ହାଜତ ଭିତରେ

   ଶ୍ରଦ୍ଧାରେ କରିଲେ ଗେଲ ।

ଦେହସାରା ଖାଲି ଚୁମ୍ବନର ଦାଗ

   ହେଲି ଭାରି କଲବଲ ।୪।


 ଆସିଲା ଖବର ଘରକୁ ଆମର

   ପହଁଚିଲେ ଘର ଲୋକ ।

ବାପା ଭାଇ ବନ୍ଧୁ ଗାଆଁ ସାଙ୍ଗସାଥି

  ଦେଖି କରୁଥିଲେ ଦୁଃଖ ।୫।


ଲାଜରେ ମୁହଁ ମୋ ନଇଁ ଯାଇଥିଲା

   ନୟନରୁ ଅଶ୍ରୁ ଧାର ।

 ସବୁ ଶୁଣୁଥିଲି ନୀରବରେ ବସି

   ଭାବୁଥିଲି ବାରମ୍ବାର ।୬।


କେମିତି ବଞ୍ଚିବି ମୁହଁ ଦେଖେଇବି

   ଧିକ ଏ ଜୀବନ ମୋର ।

ବୁଝେଇ ସୁଝେଇ ଘରକୁ ଆଣିଲେ

  ସତେ ଅବା ମୁହିଁ ଚୋର ।୭।


କରିଲି ଶପଥ ହେବିନି ମଦ୍ୟପ

   ଛାଡ଼ିଲି ମୁଁ ନିଶା ପାଣି ।

ଭୋଗିବି କାହିଁକି ନିନ୍ଦା ଅପବାଦ

   ରୋଗକୁ କିଣିବି ପୁଣି ।୮।


ନାହିଁ ସେହି ଯୁଗ ବେଳ କାଳ ଆଉ

   ଖୋଲା ବଜାରରେ ମଦ ।

 ଗାଆଁ ଗହଳିରୁ ସହର ପର୍ଯ୍ୟନ୍ତ

   ଚାଖୁଛନ୍ତି ସର୍ବେ ସ୍ୱାଦ ।୯।


 ପୋଲିସି ଶାସନ ନିରବ ଦର୍ଶକ

   ଆଖି କାନ ପାଟି ଥାଇ ।

ରାଜକୋଷ ପାଇଁ ଟଙ୍କା ଦରକାର

   ଅବକାରୀ ଚାଷ ଏହି ।୧୦।


ଘରଠୁ ବାହାର ହୋଟେଲ ବଜାର

    ସବୁଠି ମଦ ଆସର ।

ବିବାହ ବ୍ରତରେ ମଶାଣି ଭୁଇଁରେ

   ମଦର ବହୁ ଆଦର ।୧୧।


ପୂଜା ପାର୍ବଣରେ ଭଷାଣି ପର୍ବରେ

   ବହୁଛି ମଦର ବନ୍ୟା ।

ହୋଟେଲ ଭିତରେ ମଦ ଵାରରେ

  ନାଚନ୍ତି ସୁନ୍ଦରୀ କନ୍ୟା ।୧୨।


ନୃତ୍ୟ ତାଳେତାଳେ ଲଳନାଙ୍କ ମେଳେ

   ନୃଟ୍ୟାଙ୍ଗନାଙ୍କର ଲୀଳା ।

 ମତୁଆଲା କରେ ଅର୍ଦ୍ଧ ଲଗ୍ନ ଦେହ

   ନିଷ୍ପ୍ରଭ ଆଲୋକ ମାଳା ।୧୩।


 ବିଳମ୍ବିତ ରାତି ବଢୁଥାଏ ତାତି

   ସାଥି ଖୋଜୁଥାଏ ମନ ।

ନିଶାଗ୍ରସ୍ତ ହୋଇ ଘରକୁ ଫେରିଲେ

   ଝଡ଼ ଆସେ ପ୍ରତିଦିନ ।୧୪।


ନିଶବ୍ଦ ରାତ୍ରିରେ କୋଳାହଳ ଶୁଭେ

   ରାତ୍ରୀ ପାହି ହୁଏ ଦିନ ।

ଆଗାମୀ ସନ୍ଧ୍ୟାର ଅପେକ୍ଷା ଅନ୍ତରେ

   ନିଶା ଖୋଜେ ଏହି ମନ ।୧୫।


Rate this content
Log in

More oriya poem from ଅଜୟ କୁମାର ବେହେରା

Similar oriya poem from Inspirational