ସୁନ୍ଦର
ସୁନ୍ଦର
ବାପା ଯେତେବେଳେ କାମରୁ ଫେରନ୍ତି
ତାଙ୍କୁ ଗୋଟେ ଗ୍ଲାସ ପାଣି ବଢାଇ ଦେବ
କପାଳରେ ଝାଳର ଏକ ପ୍ରଲେପ ଥିବ
ପାଣି ପିଇ ସାରି ସେ ଯେବେ ହସିବେ
ଦେଖିବ କେତେ ସୁନ୍ଦର ସେ ହସ
ଯେବେ ତୁମେ ରୁଷି ଥିବ
ଚୁପଚାପ୍ ଶୋଇ କାନ୍ଦୁଥିବ
ତୁମ ମାଆ ଆସି ଗେଲ କରି
ଯେବେ ଚୁମ୍ବନ ଟିଏ ଦେବେ ଗାଲରେ
ଗାଲର ଚୁମ୍ବନ କୁ ହୃଦୟରେ ଅନୁଭବ କରିବ
ଦେଖିବ କେତେ ସୁନ୍ଦର ସେ ଭାବ।
ଯେବେ ତୁମ ବଡ଼ ଭାଇ ଭଉଣୀଙ୍କ
ପୁରୁଣା ଲୁଗାପଟା ପିନ୍ଧିବ
ଦୁଃଖ କରିବନି ସେ ବସ୍ତ୍ରରେ ଥରେ
ତାଙ୍କ ଶରୀରର ବାସ୍ନା କୁ ଶୁଙ୍ଘିବ
ଦେଖିବ କେତେ ସୁନ୍ଦର ସେ ବାସ।
ଯେବେ କେଉଁ ସାଙ୍ଗ ବହୁ ଦିନ ପରେ ଦେଖାହେବ
ହାତ ନ ମିଶାଇ ଜୋରରେ ଆଲିଙ୍ଗନ କରିବ
ପ୍ରେମର ଗୋଟେ ସ୍ରୋତ ବହିଯିବ
ଦେଖିବ କେତେ ସୁନ୍ଦର ସେ ସ୍ରୋତ।
ଯେବେ ତୁମ ଭାଇ ଭଉଣୀ ନହେଲେ ଭାଇ ଭାଇ
କଳିକଜିଆ କରୁଥିବ
ତାଙ୍କ ଆଖିରେ ଲୁଚିଥିବା ସେ ଚପଲତାକୁ ଦେଖିବ
ଦେଖିବ କେତେ ସୁନ୍ଦର ସେ ଅନୁଭବ।
ଯେବେ ବି ନିଜକୁ ଅସୁନ୍ଦର ଭାବିବ
କିମ୍ବା କେହି କହିଲେ ଶୁଣିବ
ଆଇନରେ ଥରେ ମୁଁହ ଦେଖି ଅଳ୍ପ ହସିଦବ
ଦେଖିବ କେତେ ସୁନ୍ଦର ତୁମେ ଆଉ ତୁମ ହସ।
ତୁମେ କଳା ହେଇ ପାର
ହେଲେ ଅସୁନ୍ଦର ନୁହଁ
କୃତ୍ରିମ କସ୍ମେଟିକ୍ ନୁହଁ
ମୁଁହ ରେ ହସର ପ୍ରଲେପ ଲଗାଇ ନିଜକୁ ଦେଖିବ
ଦେଖିବ ତୁମେ ସୁନ୍ଦର ଦେଖା ଯିବ।
ଖାଲି ସୁନ୍ଦର ନୁହେଁ ବହୁତ୍ ସୁନ୍ଦର ଦେଖାଯିବ