ସୁନ୍ଦର ମୋର ଗାଁ
ସୁନ୍ଦର ମୋର ଗାଁ
ସପନରେ ତୁମେ ସପନ ସୁନ୍ଦରୀ
ପୀରତି ବଇଁଶୀ ସ୍ୱନ
ତୁମ ଗାଁ ନଈ ଗୀତ ଗାଇ ଗାଇ
ଚୋରାଇଛି ମୋର ମନ I
ତୁମରି ଆଖିର ଚମକରେ ସଖୀ
ଉଜ୍ୱଳ ଦିଶଇ ଜହ୍ନ
ତୁମ ଗାଁ ନଈ ଦିଏ ଯେବେ ଛୁଇଁ
ଉଚ୍ଚାଟ ହୁଏ ମୋ ମନ I
ମଳି ମକଚିଆ ଗାଁ ସିନା ମୋର
ଅପୂର୍ବ ଗୁଣରେ ଭରା
ତୁମ ଗାଁ' ସଖୀ ବାହାର ସୁନ୍ଦର
ଭିତରଟା କଳା କଳା I
ହଜିଲାଣି ସିନା ମୋ' ଗାଁ' ଶିରୀ
ପୁନେଇଁ ପରବ ଯାତ
ସପନ ହେଲାଣି ଆମ୍ବତୋଟା ମାଳ
କୋଇଲି କଣ୍ଠର ଗୀତ I
ଚଷାପୁଅ ଆଉ ଚାଷ କରୁନାହିଁ
ପଡିଆ ପଡିଛି ବିଲ
ସକାଳୁ ସକାଳୁ କାଉ ରାବୁନାହିଁ
ଦେଖାନାହିଁ ଶଙ୍ଖଚିଲ I
ତଥାପି ଲୋ ସଖୀ ତୁମ ଗାଁ' ନଈ
ମୋ' ଗାଁ' ଦେଇ ବହେ
ସକାଳ ପାହିଲେ ମୋ' ଗାଁ' ସୂରୁଜ
ତୁମ ଗାଁ' ପଟୁ ଉଏଁ I