ସୁନାର ଭାରତ
ସୁନାର ଭାରତ
ନିଜ ସ୍ୱାର୍ଥ ଭୁଲି ନିଜ କାମ ଛାଡ଼ି
ଦେଶ ସେବା କରି ବଞ୍ଚିବି
ଜୀବନ ଦେବି ମୁଁ ରକତ ଦେବି ମୁଁ
ସୁନାର ଭାରତ ଗଢିବି
ବାପୁଙ୍କ କଥାରେ ବାଟ ମୁଁ ଚାଲିବି
ସତ୍ୟର ନାଉରୀ ସାଜିବି ମୁହିଁ
ଅହିଂସାର ବାର୍ତ୍ତା ବାଣ୍ଟିବି ଜଗତେ
ଅନ୍ୟାୟକୁ କେବେ ସହିବି ନାହିଁ
ମୋ ଦେଶ ଭାରତ ମୋ ଜୀବନ ମିତ
କିଏ ହେବ ତାର ସରି
ସୁନାର ଭାରତ ଦେଖି ଲୋଭ ବଢ଼େ
ସହି ପାରନ୍ତିନି ବଇରୀ
ଜିଇଁଥିବା ଯାଏ ମରିବା ପର୍ଯ୍ୟନ୍ତ
ଜାତି ଭାଇ ଲାଗି କରିବି କାମ
ଦୁଃଖୀର ଦୁଃଖରେ ସାଥି ହେବି ମୁହିଁ
ସଭିଙ୍କ ସପନ ହେବ ପୂରଣ