ସୁଦର୍ଶନ ଚକ୍ର ଗରଜି ଉଠିବ

ଏଠି ଦେଖୁଛି ଆଇନ ବହିରେ ଖାଲି ସମତା 

ମମତାର ବିଧି ବିଧାନ

କାର୍ଯ୍ୟରେ ପାଉଛି ରୁଗ୍ଣ ମାନସିକତା ମିଛ 

ପ୍ରତିଶ୍ରୁତି ଓ ମିଛ ଭାଷଣ |୧|

ଏଠି ଅଛି ଖାଲି ଯେନ ତେନ ଉପାୟରେ 

ଧନ ଓ ବିଜୟ ନିଶାର ନିଶାଣ

କପାଳ ଲିଖନ କଥା କହି କହି ଚାଲୁଛି 

ମଣିଷ ଉପରେ ମଣିଷର ଶୋଷଣ |୨|

ଏଠି ଅଛି ଖାଲି ଭାଷଣ ଓ ମିଛ ବନ୍ଧୁତା 

ନାମେ ପରିବର୍ତ୍ତନ ଫୁଲର ଆହ୍ୱାନ

ଗୈରିକ ବସନ ପିନ୍ଧି ଗୈରିକ ଭାବନାକୁ 

ଭୁଲି ଧର୍ମ ନାମେ ଖାଲି ଶୋଷଣ |୩|

ଭୁଲିଛେ ସମସ୍ତେ ଗୋପବନ୍ଧୁ ଦାସଙ୍କ 

ଭାଷା ହୃଦୟରେ  

"ମିଶୁ ମୋର ଦେହ ଏ ଦେଶ ମାଟିରେ 

ଦେଶ ବାସୀ ଚାଲି ଯାଆନ୍ତୁ ପିଠିରେ" |୪

ଭୁଲିଛେ ଆମେ ସେହି ଭାବନା "ଦେଶର 

ସ୍ୱରାଜ ପଥେ ଯେତେ ଗାଡ଼ 

କୁଆଡୁ ଆସିବ ସେ ମନ "ପୁରୁ ତହିଁ ପଡି 

ମୋର ମାଂସ ହାଡ଼" |୫|

ଯେତେବେଳେ ଆମେ କର୍ମ ଠାରୁ ଦୂରେଇ

ଯାଇ ହୋଇଛେ କର୍ମ ଭୀରୁ 

ପସନ୍ଦ୍ ହୋଇଛି ଭିକ ଦୂରେଇ "ସୁଦର୍ଶନ ଚକ୍ର ଗରଜି 

ଉଠିବ ବଳୀୟାରଭୁଜ କରେ" ଭାବନାରୁ |୬|

ହେଲେ ପଳାୟନପନ୍ଥୀ ହେବ ପଳାତକ

ସତ୍ୟ ନ୍ୟାୟରୁ ଦୂରତା ଅନେକ

ନିଚ୍ଛକ ସତ୍ୟ କହିଲେ ଧୈର୍ଯ୍ୟ ନାହିଁ ସେଡିଶନ

ଧାରାକୁ କର ପ୍ରୟୋଗ ହୋଇ ପଳାତକ |୮|

ଯେତେ ଦୁଃଖ ଦୁର୍ଦ୍ଦଶା ଦେଲେବେ ଲୋକ

ହସା ହେଲେ ବି ନ ଥାଏ ଦୁଃଖ

ଆତ୍ମସମ୍ମାନ ଓ ସ୍ଵାଭିମାନକୁ ପୋଡି ଖାଇ

ପୁଣି ଥରେ ଅଗ୍ନିପଥର ଧମକ |୯|

ଛାତ୍ର ଯୁବକ କୃଷକ ଶ୍ରମିକ ବୁଦ୍ଧିଜୀବି  

ହେ କବି ଓ ଲେଖକ

ମିଛ ପ୍ରତିଶ୍ରୁତି ମିଛ ପ୍ରଲୋଭନେ କିଆଁ 

ସାଜିଛ ମୂର୍ଖ ନହୋଇ କେହି ଏକ |୧୦|

    

ଭାରତ ଭୂଇଁରେ ଏବେ ସତ୍ୟ ଧର୍ମ ଶାନ୍ତି

ପ୍ରେମ ଗଢ଼ିବା ଯଦି ଭାବିବା

ଦରକାର ଆଜି ପରିବର୍ତ୍ତନର ବେଳ ସଂସ୍କାର 

ପାଇଁ ତନ ମନ ସମର୍ପଣ କରିବା |୧୧|