ସତ୍ୟ

କେତେ କେ ଆସିବେ କେତେ କେ ଯିବେ

ଦୁନିଆଁ ତା ବାଟରେ

କିଏ ଗଲା କିଏ ଆସିଲା ଦୁନିଆଁ ବଡଦାଣ୍ଡେ

ହିସାବ କାହା ପାଖରେ

କାଳିଆ ନେଇଛି ରୂପ ଆଧାଗଢ଼ା କଳିରେ

କଳ୍କୀଯୁଗେ ଅବତରୀ ଅବତାରେ

ପିଠି କଥା ଛାତି ବୁଝିନପାରଇ କିଏ ଏଠି

କୋଳାକୋଳି ସ୍ବର୍ଗଦ୍ୱାରେ

କିଏ ଏଠି କୋଉ ଭାଗ୍ୟ କର୍ମ ନେଇ ଆସେ

ଭୋଗିବାକୁ ପ୍ରାରବ୍ଧ କର୍ମ ଫଳରେ

ମାୟା ମୋହ ବନ୍ଧନ ପଟି ବାନ୍ଧା ଏ ଜଗତେ

କେ କା ଦୁଃଖ ସୁଖ ନେଇପାରେ

ପରିବାର ଅଛି ସମ୍ପର୍କ ବଦଳୁଛି କଳିକାଳେ

ସମୁଦ୍ର ଢେଉ ପିଟୁଛି କୂଳରେ

ଆଜି ହେବ କାଲି ଭବିଷତ ସ୍ମୃତି ବୋଲି

ଜଳେ କିଏ ପଥ ପ୍ରାନ୍ତ ଧାରେ

ଆଜିକୁ ମନଭରି ଭଲପାଇ ଜୀବନ ତରୀ

ବାହିବାକୁ ଦୁନିଆଁ ନାଆରେ

କିଏ କେତେ ଦିନ ପଦ୍ମ ପତ୍ରେ ପାଣି ଢଳଢଳ

ଯିଏ ସତ୍ୟର ସଉଦା କରେ 

ସୂର୍ଯ୍ୟ ଚନ୍ଦ୍ର ଆତଜାତ ବଡଦେଉଳ ନେତ

ସରେ ଜନ୍ମ ସମାଧି ତୀରେ

କାହା ହୃଦୟରେ କିଏ କେତେଦିନ ରହିବ

ଜୁଇ ଜଳିଗଲା ପରେ ll