ସତ୍ୟ ଅଟେ ପ୍ରେମ ମାର୍ଗ
ସତ୍ୟ ଅଟେ ପ୍ରେମ ମାର୍ଗ
ସତ୍ୟପଥ ଅଟେ ମନୁଷ୍ୟର ମାର୍ଗ
ସତ୍ୟଗାମୀ ହୁଅ ଭାଇ,
ସତ୍ୟପଥେ ରହି ଶ୍ରୀପ୍ରଭୁ ଚରଣ
ସେବ ନିସ୍ବାର୍ଥରେ ଭାଇ ।
ସତ୍ୟଗାମୀ ହୋଇ ଜନସେବୁ ଥିବୁ
ଆଦରେ ଦେଶ ସେବିବୁ,
ଦୁଃଖୀ ଜନଙ୍କର ଦୁଃଖର ଲୋତକ
ନିତ୍ୟେ ପଛି ଦେଉ ଥିବୁ ।
କର୍ତ୍ତବ୍ୟଟି ଏହା ଜୀବନଟି ଏହା
ପ୍ରଭୁ ବଚନଟି ପରା,
ପ୍ରେମ ଭକ୍ତିଭରେ ପ୍ରାଣୀ ସେବୁଥିଲେ
ଜୀବନ ଅମୂଲ୍ୟ ପରା ।
ଗୄହ ଜଞ୍ଜଳରେ ଆତୁର ନ ହୋଇ
କର୍ମପଥେ ଚାଲ ଭାଇ
ନିଶ୍ଚଳ ମନରେ ପ୍ରଭୁଙ୍କ ଚରଣେ
ନିତ୍ୟେଭକ୍ତି ରହୁ ଭାଇ ।
ରାଷ୍ଟ୍ର ଭକ୍ତି ଅଟେ ମନୁଷ୍ୟ ଜୀବନ
ଜନସେବା ଅଟେପ୍ରାଣ
ଗୄହ ସେବା ଅଟେ କର୍ତ୍ତବ୍ୟ ଆମର
ଗୁରୁ ଭକ୍ତି ସମର୍ପଣ ।
ପ୍ରେମ ଭକ୍ତି ଅଟେ ପ୍ରଭୁଙ୍କର ସେବା
ମିଳିବ ପବିତ୍ର ଧାମ
ଅମୂଲ୍ୟ ଜୀବନ ଅର୍ପିତ କରହେ
ଅଟେ ସତ୍ୟପଥ ଧାମ ।
ରତ୍ନ ସିଂହାସନ ଅପୁର୍ବ ବୈଭବ
ପ୍ରୟୋଜନ କିଛି ନାହିଁ,
ପ୍ରଭୁ ଶ୍ରୀଚରଣେ ଭକ୍ତି ରହୁ ନିତ୍ୟେ
ରହୁ ଆଶିର୍ବାଦ ତହିଁ ।
ଏହୁ ପ୍ରେମ ଦିଅ ହୃଦୟେ ମୋହର
ନିସ୍ବାର୍ଥର ଭକ୍ତି ଗୁଞ୍ଜୁ,
ଧର୍ମ ପଥେ ଦିଅ କର୍ମ ଜ୍ଞାନ ମୋର
ଜନପ୍ରତି ପ୍ରେମ ଗୁଞ୍ଜୁ ।
ଜୀବ ପ୍ରତି ରହୁ ପ୍ରେମ ଅହରହ
ଆଶିର୍ବାଦ ପ୍ରଭୁ କର,
ରାଷ୍ଟ୍ର ପ୍ରତି ପ୍ରେମ ସମର୍ପଣ ଭାବ
ଜୀବନ ଯାତ୍ରାରେ କର ।
ପିତୃମାତୃ ସେବା ମନ୍ତ୍ର ହେଉ ହୃଦେ
ରହୁ ଅତିଥିଙ୍କ ଭକ୍ତି,
ଜନଜନ ସେବା ଜପମାଳି ହେଉ
ହୃଦୟରେ ପ୍ରଭୁ ଭକ୍ତି ।
ସବରୀର ପରି ପ୍ରେମ ଭକ୍ତି ଦିଅ
ପ୍ରଭୁ ପ୍ରେମେ ବିଭୂଷିତ,
ତାର ପ୍ରେମ ଭକ୍ତି କରିଲା ଅଥୟ
ଅଇଁଠା ଫଳ ଅମୃତ ।
ପ୍ରେମରେ ଗ୍ରହଣ କଲ ଜଗନ୍ନାଥ
ନୈବେଦ୍ୟ ହେଲା ତହର,
ତହର ପୁରରେ ସ୍ଥାନ ହେଲା ତାର
ନିସ୍ବାର୍ଥ ଭକ୍ତିରେ ତୋର ।
ସେହୁ ପ୍ରେମ ଭକ୍ତି ଦିଅ ଜଗନ୍ନାଥ
ଜ୍ଞାନ ଭରି ଦିଅ ହୃଦେ,
ଗୁଞ୍ଜୁ ଥାଉ ନାମ ହୃଦୟେ ମୋହର
ପ୍ରେମ ଭକ୍ତି ରହୁ ହୃଦେ ।