ସତୀ ସାବିତ୍ରୀ

ଘରଣୀ ମୋହର ଫୋନ୍ କରିଥିଲେ

  ଫୋନ ମୁଁ ଉଠାଇ ନାହିଁ,

ରାଗ ଗରଗର ହୋଇ କହିଲେ ଆସି 

  କି ହୋ.....

  ଏ ଯାଏଁ ନିଦ ତମ ଭାଙ୍ଗିନାହିଁ ।

ଆଜି ପରା ଅଟେ ସାବିତ୍ରୀ ବ୍ରୋତ

   କରିବି ମୁଁ ଉପବାସ 

ବଜାରକୁ ଯାଇ ଶୀଘ୍ର ଆଣିଦିଏ

   ସପୁରୀ ଆମ୍ବ ପଣସ ।

ତରବର ହୋଇ ବାହାରି ଗଲି

  ଫଳମୂଳ ଆଣିବା ପାଇଁ,

ଆସିଲା ବେଳକୁ ସାବିତ୍ରୀ ମୋହର

  ଘରେଜମା ଦେଖାଯାଉ ନାହିଁ ।

ଟେବୁଲ୍ ଉପରେ ଚିଠିଟିଏ ରଖି

   କହି ଯାଇଅଛି ସତେ,

ପ୍ରେମିକ ସହିତ ଯାଉଛି ମୁହିଁ

   ଖୋଜିବନି ଆଉ ମୋତେ ।

ଦୁଇଦିନ ପୂର୍ବରୁ ମୋ ସହିତ ସେ

   ବାହାହୋଇଥିଲା ବେଦିରେ,

ହେଲେ ଆଜି ମୋତେ ଛାଡ଼ି ପଳାଇଛି

    ପ୍ରେମିକ ସହିତ ଗାଡ଼ିରେ ।

ଆଉ ଥରେ ମୋର ଫୋନ୍ ଟି ବାଜିଲା 

   ହେଇ କେଇଂ କେଇଁ ଶବ୍ଦ,

ସପନ ମୋହର ସ୍ଵପ୍ନ ହୋଇଗଲା 

   ଭାଙ୍ଗିଗଲା ମୋର ନିଦ ।