ସର୍ତ୍ତ

ସର୍ତ୍ତ ନିଃଶବ୍ଦରେ ସଜାଡୁଥାଏ

ପରିବାର, ଗାଆଁ, ଅନୁଷ୍ଠାନ

ଦେଶ ଓ ବିଦେଶ 

ସଭିଏଁ ବନ୍ଧା ପଡିଥାନ୍ତି

ଅଲିଖିତ ଅଘୋଷିତ ଭାବେ

ବନ୍ଧା ପଡ଼ିଥାଏ ଆୟୁଷ ବୟସ ।

 

ଏକଥା ବାସ୍ତବ ସତ୍ୟ,

ନିଜେ ବି ନିଜଠାରେ ବଞ୍ଚିବାର 

ଅନୁଶାସନ ଥିଲେ ହିଁ

ମିଳଇ ଜୀବନାମୃତ ।

ସର୍ତ୍ତଟି ହେଉଛି ମାନବ ଶୃଙ୍ଖଳା

ସର୍ତ୍ତହୀନ ହେଲେ ମିଳେନାହିଁ

ଯଶ କି ପୈାରୁଷ 

ନିଃସର୍ତ୍ତର କର୍ମ ଫଳେ,

ସନ୍ଦେହଟି ନାହିଁ ତିଳେ,

ସର୍ତ୍ତ ହିଁ ସାଧନା, ବଂଶୀର ମୂର୍ଚ୍ଛନା

ସମୟର ନଈକୂଳେ ।

ସର୍ତ୍ତ ସାଉଣ୍ଟି ଆଣେ ଜୀବନର ସୁଖସମ୍ପଦ

ଉଜାଡି ବି ଦିଏ 

ତା'କୁ କଲେ ଅବହେଳା 

ଶୃଂଖଳାର ସୂତା ଖିଅ

ସମ୍ପର୍କର ଫୁଲରେ ଗୁନ୍ଥି ଦିଏ

ହୃଦୟରୁ ହୃଦୟକୁ

ମନରୁ ମନ୍ବନ୍ତର 

ଜନ୍ମରୁ ମରଣ ମୁକ୍ତିମାର୍ଗ ଯାଏ।