ସରସ୍ଵତୀ ମା
ସରସ୍ଵତୀ ମା
ବିଧାତା ନନ୍ଦିନୀ ମାତା ବିଣାପାଣୀ
ବୁଦ୍ଧି ଜ୍ଞାନ ପ୍ରଦାୟିନୀ
ଶ୍ଵେତ ପଦ୍ମା ସ୍ଥିତା ଶ୍ଵେତ ବସ୍ତ୍ରlନ୍ୱିତl
ମା ମରାଳ ବାହିନୀ l
ବିଷ୍ଣୁ ବିଳାସିନୀ ଦେବ ପୂଜାରିଣୀ
ସରସ୍ଵତୀ ସୌଦାମିନୀ
ବେଦ ବିଳାସିନୀ ପୁସ୍ତକ ଧାରିଣୀ
ସପ୍ତ ରାଗିଣୀ ଵର୍ଷିଣୀ l
ମାଘ ମାହ ରେ ଶୁକ୍ଳ ପଞ୍ଚମୀରେ
ଋତୁ ରାଜ ବସନ୍ତରେ
ହଂସ ଋଢା ସ୍ଥିତା ସରସ୍ବତୀ ମାତା
ବିରାଜନ୍ତି ଧରା ପରେ ।
କୁହୁ ତାନେ କୋକି ମଧୁ ତାନ ଫୁଙ୍କି
ଚୂତ ପର୍ଣ୍ଣ ଆବରଣେ
ବଉଳର ବାସ ଧରା ମୁଖେ ହସ
ଶୀତ କୋପ ନିଷ୍କ୍ରିୟଣେ ।
ଶୋରିଷ କୁସୁମ ହରିତ୍ ଗେଣ୍ଡୁ ସମ
ଧରା ହରିତ୍ ରଙ୍ଗରେ
ଆନନ୍ଦେ ପୁରପଲ୍ଲୀ ଶିକ୍ଷା ଚାଟଶାଳୀ
ମହାବିଦ୍ୟାଳୟ ସଂସ୍ଥାରେ।
ରଂଗ ନୃତ୍ୟ ଶାଳା ନାଟକ ପାନ୍ଥଶାଳା
ଶାସ୍ତ୍ରୀୟ ସଂଗୀତ ଶିକ୍ଷା
ସରସ୍ବତୀ ଦାନ ପୂଜାରେ ଦିବ୍ଯ ଜ୍ଞାନ
ମୂର୍ଖ ଜ୍ଞାନେ ପ୍ରବେଶିକା ।
କାଳିଦାସ କବି ଶ୍ରେଷ୍ଠ ମାନ୍ୟ କବି
ମୂର୍ଖତା ଧୋଇ ଦୟାରେ
କବିସାରଳା ଦାସ ଶାରଦା ଆଶିଷ
ମାନ୍ୟ ପ୍ରାପ୍ତି ଶ୍ରୀ କବିରେ l
ତୋର ଦୟା ବଳେ ମୂର୍ଖ ଲେଖନୀରେ
ମୂକ ହୁଅଇ ବାଚାଳ
ସାତ ସିନ୍ଧୁ ଗିରି ଖ୍ଯାତ ସିଦ୍ଧି ଶିରୀ
ମାନ୍ଯ ଦେଶେ ବିଦେଶର ।
ରାଜା ପୂଜା ପାଏ ଆପଣା ଦେଶରେ
କବି ଦେଶ ବିଦେଶରେ
ଜ୍ଞାନ ବୁଦ୍ଧି ଦାତ୍ରୀ ଯୋଗ ସିଦ୍ଧି ଖ୍ୟାତି
ମାଆଲୋ ତୋ ଦୟା ବଳେ ।
ଚାରୁ ଚିତ୍ର ସିଦ୍ଧି ଶିକ୍ଷାର ଅବଧି
ନ ହୋଇ ସୀମିତ ସୀମା
ହିନ୍ଦୁ ଦେବ ସଂସ୍କୃତି ଜ୍ଞାନ ଅଧିଷ୍ଠାତ୍ରୀ
ପାବନୀ ସରସ୍ଵତୀ ମା ।
ମାତା ସନାତନୀ ହରି ହୃଦ ବାସିନୀ
ଅଜ୍ଞାନ ନିଶି ନାଶିନୀ
ବିଦ୍ଯା ପ୍ରଦାୟିନୀ ସାରସ୍ବତ ସେବିନୀ
ଜ୍ଞାନ ଜ୍ୟୋତି ପ୍ରଦାୟିନୀ ।