ସରଳ ଭାଷାରେ ଉନ୍ନତ ଚିନ୍ତା
ସରଳ ଭାଷାରେ ଉନ୍ନତ ଚିନ୍ତା
ରୁଚୁ ନ ରୁଚୁ ଖାଅ ଯେବେ ପିତା
ଡାଇବେଟିସ୍ ର ନଥିବ ତ ଚିନ୍ତା |୧|
ସମୟାନୁବର୍ତ୍ତିତା ଏକ ମହତ ଗୁଣ
ଖେଳିଯାଏ ମଲ୍ଲିଫୁଲ ପରି ତା ସୁଗୁଣ |୨|
ସମୟାନୁବର୍ତ୍ତିତାର କଲେ ପ୍ରୟୋଗ
ଲାଭ ଅସୁମାରୀ, ହୁଏ ସୁଖ ଭୋଗ |୩|
ଥିଲେ ଥାଉ ପଛେ ଗୁଣ ହଜାର
ଚରିତ୍ର ନଥିଲେ ତ ସବୁ ଅସାର |୪|
ଚରିତ୍ରରେ ରହେ ଶୃଙ୍ଖଳା ସଂଯମତା
ପ୍ରକାଶ ହୁଏ ଆଚରଣରେ ସୁନ୍ଦରତା |୫|
ଅଭ୍ୟାସ କେବଳ ସ୍ଵଛ କରେ ଚରିତ୍ରକୁ
ସୁସ୍ଥ ଓ ସତେଜ ରଖେ ମଧ୍ୟ ଶରୀରକୁ |୬|
ଜୀବନେ କରି ଯାଉଥିବ ଖାଲି ଅୟସ
ସରି ସୁଖ ପଉଷ, ପିଟିବ ଦୁର୍ଦ୍ଦିନ ବତାସ |୭|
ପଥବଣା ପଥିକ ତିମିରିତ ତା'ର ପଥ
ବ୍ୟର୍ଥତାରେ ମନୋରଥ ହୁଏ ତ ଅଶାନ୍ତ |୮|
ଶରୀର ହେବ ଦିନେ ଶିଥିଳ ଅବଶ
କିଆଁ ମନେ ଭାବିବ ତୁମେ ଏକା ପୁରୁଷ |୯|
ଶରୀରରୁ ଝୁଲି ପଡିଥିବା ତୁମ ମାଉଁସ
ଦିନେ ଝୁଣି ଖାଇଯିବେ ଶାଗୁଣା ଓ ବାୟସ |୧୦|
ଶ୍ରମିକ ଦେଇପାରେନି ହୀରା ମୋତି ମାଣିକ
ଶ୍ରମରେ ଦୂର କରିଦିଏ ସଂସାର ଯାକର ଦୁଃଖ |୧୧|
ଘୋଟିଗଲେ ମଣିଷେ ଅଜ୍ଞାନର ତମସ
ତୁଟି ଯାଏ ମନୁ ସ୍ୱଚ୍ଛତାର ଦମ୍ଭ ପୌରୁଷ |୧୨|
ଆଜ ମୋ ହୃଦୟରୁ ତୁମ ପାଇଁ ଏ କବିତା
ଧନ ସମ୍ପତ୍ତି ଦେଇ ପାରୁନି, ଦିଏ ବାରତା |୧୩|
ଯେବେ ବୁଝିଯିବ ମୋ ବାରତାର ମୂଲ୍ୟ
ନିଶ୍ଚିତ ନିଜ ଜୀବନକୁ ଭାବିବି ଧନ୍ୟ |୧୪|