ସର୍ବେ କଳାକାର

ସର୍ବେ ଅଭିନେତା ଅଭିନେତ୍ରୀ ସବୁ

ଦୁନିଆ ରଙ୍ଗ ମଞ୍ଚରେ.

ସାଧୁ ଅଭିନୟ କେ ପରିବେଷଣ

 ପୁଣି ଅସାଧୁ ରୂପରେ ...

ନାୟକ ସ୍ୱରୂପେ ଦୁନିଆ ଆଗରେ 

କରେ ଶ୍ରେଷ୍ଠ ଅଭିନୟ .

କେ ଖଳ ନାୟକ ସଜେଇ ନିଜକୁ

ସୃଷ୍ଟି କରେ ନାନା ଭୟ ...

ରାମ ସାଜି କିଏ ରାବଣ ନାଭିରେ

ଚଳାଏ ମରଣ ତୀର .

ରାବଣ ନିଧନ କରି ରାମ ରାଜ୍ୟ

ପ୍ରତିଷ୍ଠା କରଇ ନର....

ବିଭିନ୍ନ ରୂପରେ ମଣିଷ ଜନ୍ମରେ

ମଞ୍ଚେ କରେ ଅଭିନୟ .

କାହାକୁ ହସାଏ କାହାକୁ କନ୍ଦାଏ

ହୃଦୟ କା କରେ ଜୟ...

ଖଳନାୟକ ତ ହୋଇବା ସହଜ

ନାୟକ ଭାରି ଜଟିଳ.

ନାୟକ ହେବାକୁ ଚେଷ୍ଟା କର ସଦା

ଦୃଢ କର ମନ ବଳ....

କାଳର ନିର୍ଦ୍ଦେଶେ ସରବେ ନାଚନ୍ତି 

ଦୁନିଆ ରଙ୍ଗ ମଞ୍ଚରେ.

ସମୟ ସରିଲେ ବାହୁଡ଼ିବେ ସର୍ବେ

ମଞ୍ଚ ଛାଡି ପୁଣି ଥରେ ....