ହିସାବ

ମେଘ ବରଷିଲା ଟୁପୁରୁ ଟାପୁରୁ

ପୂରି ଗଲା ନଇ ନାଳ

ଝିପିଝିପି ବର୍ଷାରେ ଖେଳୁ ଆମେ

ଖୁସିରେ ଭରେ ମୋ ମନ

ଗଛରେ ଗହଳ ସବୁଜ ପତର 

ସୁନ୍ଦର ଦିସଇ ଧରା

ବରଷା ପଡିଲେ ନାନାଫୁଲ ଫୁଟେ

ପୁରିଉଠେ ବାରିସାରା

ଝିପିଝିପି ଟିପିଟିପି ବରଷାରେ 

ଫୋଟକା ଗରଜୁ ଥାଏ 

ସେବତି ମାଲତି ଟଗର ତରାଟ

ବାସ୍ନାରେ ମହାକୁ ଥାଏ ।

ଦାଣ୍ଡପିଣ୍ଡାରେ ଗପ କହୁଛନ୍ତି

ପାକୁଆ ପାଟିରେ ଅଜା

ବରଷା ପାଗକୁ ଗରମ ପକୁଡ଼ି

ଲାଗଇ ବହୁତ ମଜା

ମୁଢି ଖାଇ ଖାଇ ଗପ ଶୁଣୁଥିଲେ

ଲାଗଇ ବହୁତ ମଜା

ଅଧାଭିଜା ଦେହେ ଗୀତ ଗାଇ ଗାଇ 

କରୁ ଥିଲୁ କେତେ ମଜା 

ଝିପିଝିପି ବର୍ଷରେ କାଗଜ ଡ଼ଙ୍ଗା

ଭସାଉ ଥିଲୁ ଯେ ଖେଳି

ଛୋଟବେଳେ ବରଷାର କିଛି ସୃତି

ଆଜି ବି ପରିନି ଭୁଲି।