କନ୍ୟା

ଗହ୍ମା ପୂର୍ଣ୍ଣ ଚାନ୍ଦ

ହସ ମନ୍ଦ ମନ୍ଦ

କି ଶୀତଳ ତା କିରଣ ।

ନଗେଶ ନନ୍ଦିନୀ

ଜାହ୍ନବୀ ପ୍ଲାବିନୀ

ଶୁଦ୍ଧ ପୂତ ତୋୟେ ସ୍ନାନ ।

 

ଶୁଭ୍ର ଆଲୋକ ର

ଚୁନା ଚୁନା ଦୀପ୍ତି 

ଅକେଂ ଖେଳୁ ଅଛି ଦୋଳି ।

ଉଲ୍ଲସିତ ପ୍ରାଣେ 

ଉନ୍ମାଦନା ଭରେ 

ସତେ ବାରିଧି ଲହଡି ।

ଲାସ୍ୟ ହାସ୍ୟ ଛନ୍ଦେ

ପ୍ରୀତି ଭରା ଗନ୍ଧେ 

ଚଚଂଳ ପ୍ରଜାପତି ।

ଅନୁଢା କୁସୁମ

ସୁରଭି ବିତରେ

ରଖିଥାଏ ପ୍ରେମେ ବାନ୍ଧି।

ତୋ କଣ୍ଠର ଭାଷ

ତୋ ଓଷ୍ଠର ହସ

ମୋ ପାଇଁ ପୀୟୂଷ ସତେ।

ତୁହି ମାଆ, ସୁତା

ସଖି ଓ ଦୁହିତା

ଆଈ ,ଜେଜେମାଆ ଯେତେ ।