ଅଭୁଲା ସ୍ମୃତି
ଅଭୁଲା ସ୍ମୃତି
ଶୂନ୍ୟ ଭରା ଜୀବନରେ
ତୁହି ଭରୁ ପୂର୍ଣ୍ଣତା
ଭରିବାକୁ ଏ ଶୂନ୍ୟତା
ଯଥେଷ୍ଟ ତୋ ମମତା ||
ଜୀବନର ଶୀଖା ଜ୍ୟୋତି
ତୁହି ଅଟୁ ପ୍ରକାଶ
ତିମି ଭରା ଅନ୍ଧାରରେ
ଭରୁ ଆଶା ବିଶ୍ବାସ ||
ତୋ ପଣତ ବାସ୍ନା ମା'ଲୋ
ଚାହୁଁଛି ତନ ମନ
ତୁଳନୀୟ ହେବ କି ତା'
ସରଗ ସୁଖ ପୁଣ ||
ସୃଷ୍ଠି ପାଇଁ ଅନିବାର୍ଯ୍ୟ
ଅଟଇ ଅଶୁଂମାଳୀ
ସନ୍ତାନେ ତୋ ଅବଦାନ
ଅଶୁଂଠୁ ପଡେ ବଳି ||
ଚାନ୍ଦଠୁ ଅତି ଶୀତଳ
ଅଟେ ତୋହର ଛାୟା
ମଧୁର ଡାକ କୁହୁକ
କି ଅଛି କହ ମାୟା ||
କୁଳୁକୁଳୁ ତାନ ଝର
ବହେ ସ୍ନେହର ବାରୀ
ସନ୍ତାନ ପାଇଁ ତପସ୍ୟା
ତୁ ତପସ୍ବିନୀ ନାରୀ ||
ଚନ୍ଦନ ବାସଠୁ ଶୁଦ୍ଧ
କସ୍ତୁରୀ ଠୁ ନିଆରା
ଗୀତା, ଭାଗବତ,ବେଦ
ପୁରାଣ ସମାହରା ||
ପଲକ ଖୋଲିଲେ ଦିଶୁ
ମୁଦିଲେ ଦିଶୁ ତୁହି
ସ୍ମୃତି କେବେ ହେବୁନାହିଁ
ହୃଦୟ କହୁ ଥାଇ ||
ସବୁବେଳେ ବର୍ତ୍ତମାନ
ହୋଇ ତୁ ଥାଆ ପାଶେ
ତୋ ଅଙ୍କ ଉଷୁମ ଛାୟା
ଆଶୀର୍ବାଦ ମନାସେ ||
ତୁ ଅତୀତ , ବର୍ତ୍ତମାନ
ଭବିଷ୍ୟତ ର ଛାଇ
ଅଭୁଲା ମାନସ ସ୍ମୃତି
କେବେ ଲିଭିବୁ ନାହିଁ ||
ସୁଶ୍ରୀ ସାହୁ
ମେଘାଳୟ