ସପୁରି

କାଣ୍ଡ ନଥାଇ ମୁଣ୍ଡେ ମୁକୁଟ

ମାଣ୍ଡି ସୁନ୍ଦର ଦିଶେ,

ସପୁରି ଫଳରଜକୁ ଆମେ

ଖାଇଲେ ଦେହେ ମିଶେ |

ଆମର ତେବେ ଅଶେଷ ହିତ

ହୁଅଇ ଏବେ ଜାଣ,

ମାଂସପେଶିକୁ ଆମ ଦେହରେ

କରାଇଥାଏ ଟାଣ |

ଜୀବନସାର ‘ଖ’ ଭରପୁର ସେ

ତନ୍ତୁରେ ଭରା ଫଳ,

ଫୁସଫୁସକୁ ସଫା କରାଏ,

ଦେହରେ ଦିଏ ବଳ |

ଦି ତିନିଖଣ୍ଡ ସପୁରି ନୀତି

ଖାଇ ନିରୋଗ ହେବ,

ଶ୍ଵାସ କଫରୁ ରକ୍ଷା ପାଇବା,

ବହାଡା ତାକୁ ଦେବା |

ଦିନକୁ ଏକ ଗିଲାସ ତା’ର

ରସ ପିଇବା ଯେବେ,

ଚର୍ମ ସୁନ୍ଦର ଦିଶିବା, କେସ

ଝଡିବ ନାହି ତେବେ |

ଖାଦ୍ୟ ହଜମ କରାଏ, କୋଷ୍ଠ୍ୟ

କାଠିନ ଦୂର କରେ,

ଶରଧା ତାକୁ କରିଥାନ୍ତି ,

ସଭିଏ ଘରେ ଘରେ |