ସପନେ ଆସୁଛୁ ପ୍ରିୟା

ଗୋରା ପାଦ ପରେ ମେହେନ୍ଦୀ ଲଗାଇ

ଆସୁଛୁ ସପନେ ପ୍ରିୟା

ଛମ୍ ଛମ୍ ତୋର ପାଉଁଜି ଶବଦେ

ଶିହରି ଉଠେ ମୋ' ହିଆ ।

ଘୁଙ୍ଗୁରରେ ଭରା ରୂପାର ପାଉଁଜି

ମାନୁଚି ତୋତେ ଲୋ ଗୋରୀ

ଅପସରି ପରି ଲାଗୁଛୁ ସୁନ୍ଦରୀ

ମନ ମୋ କରୁଛୁ ଚୋରି ।

ଘୁଙ୍ଗୁର ନିକ୍ୱଣ ସଙ୍ଗୀତର ସ୍ଵନ

ପ୍ରୀତିର ତରଙ୍ଗ ପୂର୍ଣ୍ଣ

ଭାବନା ରାଇଜେ ଘୁରିବୁଲେ ମୁହିଁ

କିବା ରାତି କିବା ଦିନ ।

ପାଉଁଜି ସତେକି ଭାଗ୍ୟବତୀ ସାଜି

ପ୍ରିୟା ପାଦେ ହସୁଅଛି

ଅଭିମାନୀ ପ୍ରିୟା ଲାଜେଇ ଲାଜେଇ

ମୋତେ ପାଶେ ଡାକୁଅଛି ।