Library
ସପନ
ସପନ
1 min
2.4K
କେବେ ଆସ ଅନ୍ଧାରେ ତ କେବେ ଦିବାଲୋକେ ,
କେବେ ଆସ ବିଳାସରେ ପୁଣି ତୃଷ୍ଣା ଭୋକେ ।
କେବେ ଆସ ଦୀପ ଜାଳି ମନର ମନ୍ଦିରେ ,
କେବେ ଆସ ପୁଣି କୋଉ ମନର ଫନ୍ଦିରେ ।
କେବେ ଆସ ଦୁଇ ନେତ୍ରେ ପଲକ ପକେଇ ,
କେବେ ଆସ ଲୁହ ବୁନ୍ଦା ଆସିଲେ ଜକେଇ ।
କେବେ ଆସ କାରାଗାରେ ମୁକ୍ତ ଚିନ୍ତା ନେଇ ,
କେବେ ଆସ ବାହାରିଲେ ପାଦ ଚୁପି ଦେଇ ।
କେବେ ଆସ ମନେ ଶାନ୍ତି ବାରତାକୁ ନେଇ ,
କେବେ ଆସ ପୁଣି କଲମର ବନି ସ୍ୟାହି ।
କେବେ ଆସ ହେଲେ ଚିହ୍ନା ପ୍ରଥମ ଦେଖାରେ ,
କେବେ ଆସ ପୁଣି ଫଟା ପାପୁଲି ରେଖାରେ ।
କେବେ ଆସ କରି ଜଗତର ଅକ୍ତିଆର ,
କେବେ ଆସ ଭାଇଚାରା କରିଣ ପ୍ରଚାର ।
କେବେ ଆସ ଘେନି ସାଥେ ଆଶ୍ୱାସର ନଦୀ ,
କେବେ ଆସ ବିକଟେ କା' ହୃଦୟକୁ ଭେଦି ।
କେବେ ଆସ ପରିବାର ନାମ କରି ବଡ଼ ,
କେବେ ଆସ ଦୁଃସମୟେ ପାଲଟିଲେ ଜଡ ।
କେବେ ଆସ ନେଇ ସାଥେ ଅଗ୍ନିପିଣ୍ଡ ଝାସ ,
ଆସ ପୁଣି ନେଇ ଶେଷେ ମଲ୍ଲୀର ସୁବାସ ।
