ରାବଣ
ରାବଣ
ଏକ ଚରିତ୍ର
ବହୁ ଚର୍ଚ୍ଚିତ
କେବଳ ରାମାୟଣେ ସୀମିତ ନୁହଁ
ବ୍ୟାପ୍ତ ଏ କଳିଯୁଗ ପର୍ଯ୍ୟନ୍ତ ,
ଲଙ୍କା ଅଛି ବହୁ ଦୂରେ
ମିଳିଯିବେ ପଡ଼ିଶା ଘରେ ।
ହୁଏତ ଏକାକୀତ୍ୱ ଅନୁଭବରେ
ବ୍ୟତିବ୍ୟସ୍ତ ,
ସେଥିପାଇଁ ତ
ବନ୍ଧୁ ମେଳରେ ହିଁ
ଧାରଣ ହୁଏ
ଅସଲ ରୂପ ।
ଏବେ ଆଉ ଭୟ ନାହିଁ
ସେଇ ଦଶାନନକୁ
ପାପୀ ଜ୍ଞାନୀ ପଣ୍ଡିତକୁ
ଆବଶ୍ୟକ ପଡେନା ,
ମୂର୍ଖ ଦେଖାନ୍ତି ଅସଲ ରୂପ
ମିଳିଗଲେ ବାହାନା ।
ପୌରାଣିକ ପୁଷ୍ପକ
ଏବର ଇଣ୍ଡିଗୋ ସାଥେ
ପ୍ରତିଦ୍ଵନ୍ଦିତା କରେନା
ଜଟାୟୁ ସହ ଯୁଦ୍ଧ ବି ନୁହଁ ,
ସେ ଜାଣେ
ଐଶ୍ୱରୀକ ଶକ୍ତିର
ଘୋର ଅଭାବ ଏଠି
କ୍ଷଣିକେ ଯାଇପାରେ ଜୀବନ ।
କିନ୍ତୁ ଅନ୍ୟବେଳେ ପାଲଟେ
ଜଣେ ସମ୍ପୂର୍ଣ୍ଣ ମାଂସାହାରୀ ,
ଦାଗ ଲଗେଇବାକୁ
ଝୁଣି ଖାଇବାକୁ
ହଜାରେ ଆଖିକୁ ଲୁହରେ ଭସେଇ
ପାଶବିକ ଆଚରଣେ
ବିବର୍ତ୍ତନ ଓ ବାନର ନାମେ
କଳଙ୍କ ଲଗାଇବାକୁ ।