ସପନ ରାଇଜ ରସିକ ରାଜନ

ସଞ୍ଜ ନଇଁଗଲା ପରେ

     ଯେବେ ମୁଁ ବସି ଭାବେ ନିରୋଳା ରେ

 ତୁମକଥା ଭାରିମନେପଡେ

କେବେ ତୁମେ ଆସିବ ହେ ରସିକ ରାଜନ 

          ସପନର ରାଇଜରେ

ମନ ମଧୁବନ ଚାହିଁରହିଅଛି ଧନ

           କର ମତେ ଉପଶମ

ବଞ୍ଚିପାରିବିନି ତୁମବିନା ମୁଁହି

            ଅସରନ୍ତି ଆମ ପ୍ରେମ ।

ଝୁରିମରେ ତୁମ ପ୍ରାଣ ସଙ୍ଗିନୀ

        ଏ ବିରହ ଯନ୍ତ୍ରଣା ଆଉ ସହି ହେଉନି

ଆସ,ଆସ,ଆସ ମୋ ରସିକ ରାଜନ 

          ପାହାନ୍ତିଆ ସପନରେ ।

ମଧୁକୁଞ୍ଜେ ଆଜି ଶୂନ୍ୟତା ଖେଳେ 

           ଗୋପନେ ରାଧା କାନ୍ଦେ  

ଝୁରି ଝୁରି ତୁମକୁ ହେ ରସିକ ରାଜନ 

         ଭାଗ୍ୟକୁ ଖାଲି ନିନ୍ଦେ।

ତୁମ ସ୍ବପ୍ନ ସବୁ ପାହାନ୍ତି ରାତିରେ

          ଦେଖି ମନେ ମନେ ଭାବେ

 ସତ କି ହେବ ଏ ମଧୁର ସପନ

          ଦୂର ହୋଇଯିବ ମୋର ଦୁଃଖ ର ଦିନ ।

ଭାବିଦେଲେ ତୁମକଥା ଖେଳିଯାଏ 

           ଶିହରଣ ତନୁ ମନରେ

ତୁମସହ ବିତିଥିବା ସେ ଅଭୁଲା ମୁହୂତ୍ତକୁ 

                  ମନଝୁରେ ।

ସତେ କି ଆସିବ ତୁମେ 

        କରିବ ମୋ ମାନ ଭଞ୍ଜନ

ହେ ରସିକ ରାଜନ 

      ବସି ବସି ମୁଁ ଗଣୁଛି ଦିନ ।

ବେଗେ ବେଗେ ଆସ 

          ନ କର ଡେରି

ରାତି ପାହିବାକୁ ଆଉ ଅଳପ ବାକି

       ଆଉ ବେଶୀ ଡେରି କରନାହିଁ ।