ସଫଳତା
ସଫଳତା
ମଣିଷ ତିଆରି କରିବା ଯାତ୍ରାରେ
ସାମିଲ ଶିକ୍ଷକଟିଏ,
ସଫଳତା କରେ ଶିଶୁର ଜୀବନ
କଉସଳଟିଏ ଦିଏ l
ବତାଇ ଦିଏ ସେ ସଫଳତା ସୂତ୍ର
ସ୍ନେହ ଆଶୀର୍ବାଦ ଦାନ,
ସମାଜେ କିପରି ପ୍ରଗତି ହେଵଟି
ବଢ଼ାଇ ଥାଏ ତା' ଜ୍ଞାନ l
ଅନ୍ୟନାମ ସଫଳତା ବିଫଳର
ପ୍ରଭୁ ତୁମଠାରେ ଦେଖେ,
ବୋହି ଆସେ ପୁଣି ସ୍ୱତସ୍ପୃତ ଭାବେ
ଦୁଃଖର ବାରିଧି ସୁଖେ l
ସିନ୍ଧୁର କଳ୍ପନା ବିନ୍ଦୁ ବିନ୍ଦୁ ମଧ୍ୟେ
ଯେବେ ହୁଏ ଦୃଶ୍ୟମାନ,
ମନ ମଧ୍ୟେ ଆସି ସେହି ବାରି ରାଶି
ସଫଳତା ଅଧିଷ୍ଠାନ l
ଯୁଗଳ ମୂରତି ତୁମ ପ୍ରତିଛବି
ହୃଦେ ମୋର ଅବସ୍ଥିତ,
ଉଥିତ ମନକୁ ପତିତ କରିବ
ସଫଳତା ସ୍ୱର ସ୍ୱତଃ l
ଜୀବନ ରାସ୍ତାରେ ଚାଲି ଚାଲି ପ୍ରଭୁ
ସାଉଁଟଟେ କେତେ ଯେ ସ୍ମୃତି,
ଦିବ୍ୟ ଜ୍ଞାନ ମତେ ଚାଲିଲେ ସଂସାରେ
ସଫଳତା ଅସରନ୍ତି l
ନିଜକୁ ଚାହିଁଣ ପଚାର ତ ଥରେ
ପାରିବନି କ'ଣ କରି,
ଲୁକାୟିତ ପ୍ରତିଭାରେ ସଫଳତା
ପ୍ରଶଂସାର ଅଧିକାରୀ l
ହୀନମାନ୍ୟ ଭାବ ନ ଭାବରେ ଆନ
ଶତ୍ରୁ ହେବେଟି ନିଜର,
ସଫଳତାର ଏ ମନ୍ତର ଅଟଇ
ସଦା ମନେ ସୁଵିଚାର l
ସାଧୁତା ଶୁଦ୍ଧତା କର୍ମରେ ଥିଲେଟି
ସଫଳ ନିଶ୍ଚେ ଆସିବ,
ଧର୍ମ ଜାତ ହୁଅଇ କର୍ମରୁ ପରା
ଏକଥା ସଦା ସ୍ମରିବ l
ଶୁଭ ଯୋଗ ଅଟେ ପ୍ରତିଟି ମୁହୂର୍ତ୍ତ
ଅପେକ୍ଷା ପୁଣି ନ କର,
ନିଜେ ଯୁଦ୍ଧେ ଲଢ଼ି ଆଣି ସଫଳତା
ବିଜୟ ଧ୍ୱନି ସତ୍ୟର l
ଓଡ଼ିଆ ଭାଷାର ମହତ୍ତ୍ୱ ମିଳୁଛି
ବିଛିନ୍ନ ଭୂମିରେ ଏକା,
ସଫଳତା ମିଳେ ପ୍ରତିଯୋଗିତାର
ସାହସ ହରାନା କେବେ l
ସଫଜାଣିବ ବିଫଳ ଦୁଇ ଭାଇ ପରା
ଚାଲନ୍ତି ତ ଆଗ ପଛ,
ପରୀକ୍ଷା ନିରୀକ୍ଷା ଫଳପ୍ରାପ୍ତ ହୋଇ
ରହିଥାନ୍ତି ସଜବାଜ l
ପରୀକ୍ଷା ଉତ୍ତୀର୍ଣ୍ଣ ହେଲେ ହିଁ ଜାଣିବ
ଆସିଗଲାଟି ସଫଳ,
ଆଶା ଅନୁସାରେ ଫଳଟି ମିଳିଲେ
ପ୍ରାଣକୁ ମିଳଇ ବଳ l
ବିଫଳତାରୁ ବି ଶିକ୍ଷା ମିଳଇ
ମାର୍ଜିତ ହୁଅଇ କର୍ମ,
ନିରନ୍ତର ପ୍ରୟାସ କରି ଜୀବନେ
ହୁଏ ସଫଳତା ଜନ୍ମ l
ସଫଳତା ଖାଲି ସଫଳତା ନୁହେଁ
ଆରମ୍ଭେ ପ୍ରେରଣାଟିଏ,
ସାଧନାର ମାପକାଠି ତାହା ସାଜି
ପ୍ରଗତି ସ୍ତରକୁ ନିଏ l
ସଫଳତା ନୁହେଁ ସମାପ୍ତିସୂଚକ
ଗୁରୁ ଦାୟିତ୍ୱ ସେ ତ,
କର୍ମବୀର ଏକା ଧର୍ମର ତୀରରେ
ଅଭିଜ୍ଞତା ଧରେ କାତ l
ସଫଳତା ଶୀରେ ଅବସ୍ଥାନ ଯଦି
ସୁକର୍ମ ପଥରେ ସତ,
ସଫଳତା ଲାଗି କରିବା ପ୍ରୟାସ
ସାଧନାଟି ଅବିରତ l।