ସଫଳତା

ରଫଖାତାରେ

ସ୍ବପ୍ନକୁ ଗଣତି କରୁକରୁ

କପେ ପାଣିଚିଆ ଚା' ସାଥିରେ

ସକାଳର ଦେଖାହୁଏ ।

ଝର୍କା ସେପଟୁ

କଅଁଳିଆ ଖରାମାନେ

ଡାକ ପକଉଥାନ୍ତି

ଗପିବାକୁ ତାଙ୍କ ସାଥିରେ,

କିନ୍ତୁ କ'ଣ ଯାଇହୁଏ ?

ଢୋକେ ଆୟୁଷ ସାରୁସାରୁ

ଆଲାରାମ ବହେ ଶୁଣେଇଦିଏ 

ଚାଲ ଆରମ୍ ହେଲାଣି କ୍ଳାସ

କଲମ ହାତ ଧରିବାକୁ କୁହେ ।

ଶୋଇବା ଆଗରୁ 

କରିଥିବା ସ୍ୱପ୍ନର ଗଣତି

ଦୁଷ୍ଟାମୀ କରିବସେ

ଅସ୍ତ ହେବା ଆଗରୁ ଜୀବନ୍

ଜୀଇଁବାକୁ ଚାହୁଁଥିବା ଖୁସି 

ବାଟଟିଏ ଖୋଜିବସେ ।

ଠିକ୍ ସେତିକି ବେଳେ

ଘାତ, ପ୍ରତିଘାତ ଓ

ଯନ୍ତ୍ରଣାର ଅଭିଧାନ ଭିତରୁ

ତେର୍ଚ୍ଛା ଚାହାଣୀରେ ସଫଳତା ଡାକ ଛାଡୁଥାଏ ।