ସଞ୍ଜ ଯେବେ ଆସେ ନଇଁ

ସୂର୍ଯ୍ୟ ଅସ୍ତ ଗଲେ 

ନଇଁ ଆସେ ସଞ୍ଜ 

ଅନ୍ଧାର ଓଢଣୀ ଟାଣି

ମିଞ୍ଜି ମିଞ୍ଜି ଦୀପ 

ଜାଳି ଦିଏ ଓଡିଆଣୀ

ଚଉରା ମୂଳରେ ଆଣି

ବାଜି ଉଠେ ଘଣ୍ଟ 

ଶୁଭେ ଯାଏଶଙ୍ଖ ଧ୍ବନି

"ଆହେ ଦୟାମୟ" ଗାଇ 

ଖୋଲେ ଭାଗବତଟୁଙ୍ଗୀ

ସଞ୍ଜ ଆସିଲେ ନଇଁ 

ଗାଈଗୋଠ ଫେରେ

ପକ୍ଷୀ ଫେରେ ନୀଡେ

ଚାଷୀ ଫେରେ ହଳ ନେଇ

ନବବଧୂ ସାରେ ତା ପାଇଟି

ଆନନ୍ଦେ ଅଧୀର ହୋଇ

ସହରୀ ଜୀବନେ 

ଏ ଛବି ସପନ

ଆଉ ସେଇ ଦିନ କାଇଁ ?

ସାନ୍ଧ୍ଯ ଭ୍ରମଣେ ଯାଏ ଯେବେ

ଖୋଜେ ଅପାସୋରା ସ୍ମୃତି 

ସ୍ମୃତି ତ ଅଫେରା ନଈ ।