ସନ୍ତାପିତ ହୃଦେ ଡାକୁଛି ମା’

ଜୟ ମା’ ବାସନ୍ତୀ ଦୂର୍ଗା ଜଗତ ତାରିଣୀ 

ନବ ରାତ୍ରେ ହୁଅ ମାଗୋ ସଂସାର ଭ୍ରମଣୀ ।

ନିଜ ଗୃହେ ବନ୍ଦୀ ଭୟେ ଅଦରୁଶ୍ୟ ବ୍ୟାଧି

ତ୍ରାହି ତ୍ରାହି କରେ ମହୀ ତୁମକୁ ଆରାଧି ।

ବିଶ୍ୱ ସନ୍ତାପିତ ହୃଦେ ଡାକୁଅଛି ଗୋ ମା’

ଯୁଗେ ଯୁଗେ ପ୍ରସିଦ୍ଧ ଯେ ତୁମରି ମହିମା ।

ମହାରଥୀ ସାଜିଥିଲେ ତମ ଅହଂକାରେ 

ପ୍ରକୃତିକୁ ହେୟ ଜ୍ଞାନ କଲେ ବ୍ୟବହାରେ ।

କୃତ କର୍ମେ ଲିପ୍ତ ପ୍ରାୟେ ହେବାକୁ ବିନାଶ 

ଦିଅ ସଦବୁଦ୍ଧି ମା’ ଗୋ ଦେଇଣ ପ୍ରକାଶ l

କରୋନା ଭୟ ଆକୁଳେ ଜଗତ ତପତ

କରୁଣା ମା’ ଝରୁ ତୁମ ମରତେ ତ୍ୱରିତ ।