ସଂକ୍ରାନ୍ତି ସଂକଳ୍ପ

ହେଲା ଯୁକ୍ତି ତର୍କ ମନେ ନାହିଁ ଶକ

ଖାଇବାକି ଖାଦ୍ୟ ମାଂସ

ବିଧର୍ମୀ କହଇ ଜଗତେ ହସଇ

ସଂକ୍ରାନ୍ତି ଭୋଗ ଆମିଷ ll

ଧନ୍ୟ ଚିନ୍ତାଧାରା ଅଧର୍ମୀରେ ଭରା

ହିନ୍ଦୁ ଧର୍ମେ ନଷ୍ଟ କାୟା

ପ୍ରତି କ୍ଷଣ ବାର  ଈଶ୍ୱର ପୂଜନ

ଖାଦ୍ୟ ପାଇଁ ସବୁ ମାୟା ll

ସଂକ୍ରାନ୍ତି ସଂକଳ୍ପ ଆମିଷ ବର୍ଜନ 

ଶନିବାରେ ଶନି ଦଶା

ସୋମ ବାରେ ଶିବ ଏକାଦଶୀ ଦିନ

ଅନ୍ୟ ଦିନେ ମାଂସ କଷା ll

ମାସର ପ୍ରଥମ ସଂକ୍ରାନ୍ତିର ଦିନ

ସଂକଳ୍ପ ଅଖାଦ୍ୟ ମନା

ମାସ ଯାକ ଆମେ ଭଲ କର୍ମ ମନେ

କରିବାକୁ ହୃଦେ ସିନା ll

ହିନ୍ଦୁତ୍ୱ ଧର୍ମର କାଳିମା ପ୍ରସାର

ତତ୍ତ୍ୱ ହୀନ କୁସଂସ୍କାର

ବହୁ ଆଡମ୍ବରେ ପୂଜା ପାଠ କରେ

ଲୋକ ଦେଖା ଧାର୍ମିକର ll

ବେଦ ଦେଖି ନାହିଁ ବୟସ ସତୁରୀ

ପିଲା ମୋର ବିଦେଶରେ

ମୋ ନାତି ନାତୁଣୀ ଜାଣିବେକି ପାରି

ହିନ୍ଦୁ ଧର୍ମ ବିଷୟରେ ll

ସର୍ବେ ଆମେ ମୂର୍ଖ ନ ଆଣି ସଂସ୍କାର

ଶିକ୍ଷା ଦେଉ ପାଇବାର

ଧର୍ମ ହୀନ ଜ୍ଞାନ ବଢିବ ଅଜ୍ଞାନ

ନାଶଯେ ହେବ ଧର୍ମର ll

ଅଷ୍ଟ ପ୍ରହରୀରେ ଡାକ ବାଜି ଯନ୍ତ୍ରେ

ଠାକୁର ଯାନ୍ତି ପଳେଇ

ଖାଦ୍ୟ ଖାଇ ଘରେ ଘୁଙ୍ଗୁଡ଼ି ଯେ ମାରେ

ଦାଣ୍ଡେ ନଦିଆ ନାଚଇ ll

ଧନ୍ୟ ଆମ ନୀତି ନଦେଖି ସଂସ୍କୃତି

ସଭ୍ୟତାକୁ ଦେବା ବିକି

ମୁହିଁ ମନେ ଭାବେ ଭକ୍ତି ବନ୍ଧା ପଡେ

ଅନ୍ଧାରେ ରହିବା ଯାକି ll

ପୂଜେ ସେବକକୁ ଶକ୍ତି ପାଇବାକୁ

ପୂଜା ପାଇଁ ନାନା ଭୋଗ

ସକଳ ସୃଷ୍ଟିର ନିୟନ୍ତା ଈଶ୍ୱର

ତାଙ୍କ ସୃଷ୍ଟି ତାଙ୍କ ଭୋଗ ll

ପୂଜା ନୁହେଁ ଖାଦ୍ୟ ମନ୍ତ୍ର ଉଚ୍ଚାରଣ

ବିବେକକୁ ଠିକ କର

କର୍ମ ଏକା ତୋର ପୂଜା ଫୁଲ ହାର

ସାଧନାରେ ମନ ଧର ll