ସଂକ୍ରାନ୍ତି ପୁରୁଷ ଫକୀର ମୋହନ
ସଂକ୍ରାନ୍ତି ପୁରୁଷ ଫକୀର ମୋହନ
ଅଠରଶ ଶତ ତେୟାଳିଶ ସାଲ
ମକର ସଂକ୍ରାନ୍ତି ଦିନ,
ତୁଳସୀ ଦେବୀ ଓ ଲକ୍ଷ୍ମଣ ଚରଣ
କୋଳ କରିଲେ ମଣ୍ଡନ ।
ଉଣେଇଶ ଶତ ଅଠର ମସିହା
ରଜ ସଂକ୍ରାନ୍ତି ର ଦିନ,
ସଂକ୍ରାନ୍ତି ପୁରୁଷ ଫକୀର ମୋହନ
ଧରାରୁ ଛାଡ଼ିଲେ ପ୍ରାଣ ।
ଓଡ଼ିଆ ଭାଷା ର ପରିଚୟ ପାଇଁ
ରଚିଥିଲେ ଆନ୍ଦୋଳନ,
ସମାଜ ସଂସ୍କାରେ ଦେଇଥିଲେ ମନ
ଲେଖିଗଲେ ବହି ମାନ ।
କିଣି ଛାପାଖାନା ସ୍ଥାପନ କରିଲେ
ଉତ୍କଳେ ଗୋଟିଏ ପ୍ରେସ,
ସେହି ଛାପାଖାନା ନାମିତ ହୋଇଲା
ସେଦିନୁ ଉତ୍କଳ ପ୍ରେସ ।
ଓଡ଼ିଆ ସାହିତ୍ୟ ଇତିହାସ ପୃଷ୍ଠେ
କରି ଶ୍ରେଷ୍ଠ ଅବଦାନ,
ରଚନା କରିଲେ ଗଳ୍ପ ଓ କବିତା
କାହାଣୀ ନାଟକ ମାନ ।
ଉତ୍କଳ ମାଟିର ସୁଯୋଗ୍ୟ ସନ୍ତାନ
ଫକୀର ମୋହନ ଜାଣ,
ବାଲେଶ୍ଵର ଜିଲା ମଲ୍ଲୀକାଶପୁର
ଥିଲା ତାଙ୍କ ବାସସ୍ଥାନ ।