ସଂଜୀବନୀ

ଝିଁ-ଝିଁ ଝିଁକାରୀ'ର ନାଦ,

ନୀରବ'ଛିନ୍ହ ତିମିରିତ-

ଜନନୀ-ଜଠର,

ପ୍ରଳୟ-ବାରିଧି,

ଭାସମାନ ମୁଁ'ଟିଏ-

ଅଂଧାର-ଗରଭୁ,

ହାଉ-ଯାଉ ସ୍ୱାର୍ଥ'ର ହାଟକୁ,

ଚାରି'ପଟେ ସଂପର୍କ-କୁହୁଡି,

ଆଲୋକ-ଇପ୍ସା'ରେ,

ଧାଏଁ-ମୁଁ ପତଂଗ,

ଦୂରେ ଅଗ୍ନି-ଶିଖା-

ଆତ୍ମାହୁତି-ଯଜ୍ଞେ

ଇଚ୍ଛା-ହୀନ ଜାତ ମୁଁ,

ଅନିଚ୍ଛାରେ-ମୃତ,

ସ୍ୱତ-ପ୍ରବୃତ ପ୍ରେମ,

ଉଷୁମ-ପରଶେ,

ବଂଚିବାର ସପ୍ତ-ରଂଗୀ-

ଇନ୍ଦ୍ରଧନୁ-ଆଶା,

ତୃଷାତୁର-ଚାତକ ମୁଁ-

ପ୍ରେମ-ଗୀତି ଗାଇ,

ଅମା-ଅଂଧାରେ-

ସୌଦାମିନୀ-ରେଖା,

ଗୀରିଷମ-ସଂତାପିତ ବୁକେ,

ମୌସୁମୀ'ର ରିମ୍-ଝିମ୍-

ନୂପୁର-ନିକ୍ୱଣ,

ଶୀତଳ-ପରଶେ,

ତପ୍ତ-ବୁକେ--ଶୁଷ୍କ-ବୀଜେ-

ଅଂକୁର-ଉଦ୍ଗମେ,

ପ୍ରେମ--ପ୍ରେମ--ପ୍ରେମ ଉର୍ଜସ୍ୱଳ,

ଖୁଦ୍ର ଏ ଜୀବନେ

ରକତ-ମାଉଁସ,

ଭୋକ-ଶୋଷ,

ଆଲୋକ--ଅଂଧାର,

ଅନାହୂତ

ବ୍ୟାଧି-ବାର୍ଧକ୍ୟ-ମୃତୁ,

ଭୟ'ଭୀତେ

ହା--ପ୍ରେମ,

ହା--ପ୍ରେମ,

ମଧୁର-ସଂଜୀବନୀ-ସୁଧା,

ମକରଂଦ-ପାନେ,

ଞାତେ-ବିସ୍ମୃତ ସେ-

ମରଣ'କୁ

ପ୍ରେମ ପଂଚାମୃତେ,

ଅଦୂରେ

ମରଣ'ର ଲେଲିହାନ-ଶିଖା,

ଏଇ'ତ ଜୀବନ

ଅଥଚ

ଏଇ ଯେ ପଥର-

ନା' ଅଛି ସଂଗମର ଶୁଖ,

ନା' ଅଛି ଚୁନା-ହେବାରେ ଦୁଃଖ,

ନିର୍ବିକାର

ସ୍ଥିତ'ପ୍ରଜ୍ଞ

ମୋତେ ପଥର କର ହେ ପ୍ରଭୁ,

ପଥର...।

ନୟନ