Library
Profile
ସଂଘର୍ଷ
ସଂଘର୍ଷ
ଯୁଦ୍ଧକ୍ଳାନ୍ତ ଅବଶ ଡେଣାରେ
ଉଡିବାର ବଳ ଯାଇଛି ହଜି
ଜୀବନର ଏଇ କୁରୁକ୍ଷେତ୍ରରେ
ନିରବେ ଲଢୁଛି ନିଜ ସାଥେ ଯୁଦ୍ଧ
କେବେ ବଳଶାଳୀ ନିର୍ବଳ କେବେ
କେବେ ହାରିଯାଏ କେବେ ଜିତିଯାଏ
ଜୀବନ କପଟ ପଶାର ବାଜି
ଯୁଦ୍ଧ ଲଢୁଛି ଜୀବନର ମୋର
ଲକ୍ଷ ନଥିଲା ଜିତିବାକୁ କିଛି
ହାରିବାକୁ ତିଳେ ନଥିଲା ଡର
ଅନେକ ପ୍ରାପ୍ତିର କ୍ଷୁଧା ବି ନଥିଲା,
ହରେଇ ଦେବାରେ ଦୁଃଖବି ନଥିଲା
ଦେଇଦେବା ପାଇଁ ଅନେକ କିଛି
ଲଢିବାକୁ ଥିଲା କାରଣ ମୋର
ଜୀବନ ଯୁଦ୍ଧରେ ସାମ୍ନାରେ ମୋର
ଏକୁଟିଆ ମୁଁ ଆଉ ନଥିଲା କେହି
ନିଜକୁ ଦେଖି ମୁଁ ମୁହଁ ମୋଡିଦିଏ
କେତେ ପ୍ରଶ୍ନବାଣେ ଘାଇଲା ହୁଏ
ହଁ ନାହିଁ'ର ଯୁଦ୍ଧରେ କେତେ
ଭୂଲ ଠିକ୍ ର ଅସଂଖ୍ୟ ତର୍କ
କେବେ ହାରିଯାଏ
କେବେ ଜିତିଯାଏ
ଜୀବନର ଏଇ ସଙ୍କଟ ଯୁଦ୍ଧରେ
ଏକାକୀ ନିରବେ ଦେଖେନି କେହି
ହାରିଯାଏ ଯେବେ ପ୍ରତିଦ୍ୱନ୍ଦିକୁ
ଆଲିଙ୍ଗନ ଦେଇ ଧନ୍ୟ କୁହେ
ଜିତିଗଲେ କେବେ ମନ ଅନନ୍ଦରେ
ପ୍ରତିଦ୍ୱନ୍ଦିକୁ ମୋ କୋଳେଇ ନିଏ
ଏଇ ଯୁଦ୍ଧରେ ଯେତେକ ଥିଲେ
ସଭିଏଁ ତ ମୋର ଶତ୍ରୁ ନଥିଲେ
ପ୍ରିୟ ପରିଜନ କିଛି ଆତ୍ମୀୟ ଥିଲେ
ଲକ୍ଷ କେବଳ ପାଇବାକୁ ଥିଲା
ଅନନ୍ତ ଆନନ୍ଦ ଆତ୍ମ ସନ୍ତୋଷ
ପ୍ରେମର ସେଇ ଦିବ୍ୟ ଆଶିଷ
ଯୁଦ୍ଧରେ ଜିତି ଆନନ୍ଦ ଯେତିକି
ହାରିବାରେ ଥିଲା ସୁଖ ଅନେକ
କେଇଗୁଣା ଥିଲା ଆତ୍ମ ସନ୍ତୋଷ
