ସଙ୍ଗରୋଧ

ସଙ୍ଗରୋଧରେ ବିତିଗଲା ତମାମ ବର୍ଷ

        ରାସ୍ତା ଘାଟରେ ଖେଳୁଥିଲା ନିର୍ଜନତା

ଅଦୃଶ୍ୟ କରୋନାର ସେଇ କୋକୁଆ ଭୟ

         ଅଚିରେ ହଜେଇଦେଲା ମାନବିକତା,

ଘରେ ଘରେ ସଭିଏଁ ହେଲେ ନଜର ବନ୍ଦୀ

         ମହାମାରୀରୁ ନିସ୍ତାର ପାଇବା ପାଇଁ

ଦାଦନ ଶ୍ରମିକ ହେଲା ଘର ମୁହାଁ ନୀତି

        ଭୋକ ଓପାସରୁ ନିଜେ ବର୍ତ୍ତିବା ପାଇଁ ,

ଜୀବନ ଦୁର୍ବିସହ ହେଲା ସଙ୍ଗରୋଧରେ

         ଦିନ ବିତିଲା ଅୟୁତ ଯନ୍ତ୍ରଣା ଧାରେ

ବନ୍ଦ ହେଲା ପୁଣି କେତେ କେତେ ନିଃଶ୍ବାସ

         ବାପ ଆଗରେ ଲିଭିଲା ଝିଅର ହସ,

ଆଗୁକୁ କ'ଣ ହେବ କେହି ଜାଣୁ ନଥିଲା

        ଭୟ ଭ୍ରାନ୍ତି ଲୁହ ହିଁ ତ ସବୁଠି ଥିଲା

ଶୂନ୍ୟତା ଭରିଥିଲା ସଭିଙ୍କ ଦୁନିଆରେ

    କେତେ ପ୍ରାଣ ଉଡିଗଲା ସେ କରୋନାରେ,

ସଙ୍ଗରୋଧ ‌‌‌‌‌‌‌‌‌‌‌‌‌‌‌‌‌‌‌‌‌‌‌ମାନଥିଲେ ଠିକ୍ ରେ ହୁଏତ

         ସୁରକ୍ଷିତ ରହିଥାନ୍ତା ଦେଶ ନିଶ୍ଚିତ

ବେସୁରା ଜୀବନକୁ ଏବେ ସଙ୍ଗୀତେ ଭରି

       ସବୁଲୋକ ଗାଉଥାନ୍ତେ ଜୀବନ ଗୀତ  ।