ସଙ୍ଗୀନ ଭବିଷ୍ଯତ
ସଙ୍ଗୀନ ଭବିଷ୍ଯତ
ସଂଗୀନ ଭବିଷ୍ଯତ
ଯେତେ ସବୁ ଭ୍ରଷ୍ଟାଚାର
ଅନ୍ୟାୟ ଅତ୍ୟାଚାର
ପ୍ରବଳ ସ୍ରୋତରେ ପ୍ରବାହିତ ।
କନ୍ଯା ଭ୍ରୂଣହତ୍ୟା,ଛୋଟ ପରିବାର
ବଳକା ଯାହା ବଳାତ୍କାର
ଜନସଂଖ୍ୟା ହ୍ରାସ ହୁଏ
ଶିକ୍ଷିତ ବର୍ଗର ।
ବହୁ ସନ୍ତାନ ଜନକ
ଅଶିକ୍ଷିତ ଙ୍କ ପ୍ରବୃତ୍ତି
ଓ ଗତି ତାଙ୍କର ଦୁର୍ବାର ।
ମାତ୍ରାଧିକ ଅଭାବୀ ସନ୍ତାନ ପ୍ରସାର
ଶିକ୍ଷା ବିନା ଦାନବ ପ୍ରକୃତି
କରନ୍ତି କାୟା ବିସ୍ତାର ,।
ଗନ୍ଧ ବିନା ଯେମିତି ଚନ୍ଦନ
ମଳୟ ବିନା ଯେମିତି ପବନ,
ଦୈନ୍ୟ ଯାତନା ସହ ପାଷାଣ୍ଡ
ସେମିତି ଦଣ୍ଡ ମାରନ୍ତି
ହୋଇ ସଂସ୍କାର ହୀନ ।
ଏକ ପକ୍ଷେ ସୁଖଦ ଭବିଷ୍ଯତ ଲାଗି
ମାତ୍ରାଧିକ ସଚେତନ
ଅନ୍ୟପକ୍ଷେ ଶିକ୍ଷା ଦୀକ୍ଷା ଅଭାବେ
ବିହାର କରନ୍ତି ହୋଇ ଦିଶାହୀନ ।
ଲୁଣ୍ଠନ ହତ୍ଯା ଶୋଷଣ ଧର୍ଷଣ
ହେଲାଣି ମୁଖ୍ଯ ଆକର୍ଷଣ
ନିଶା ପଶା ଯୋଷାରେ
ସବୁ ଦିଅନ୍ତି ଧ୍ୟାନ ।
"ଜଳ ଗହଳେ ସୃଷ୍ଟି ନାଶ
ଜଳ ବିହୁନେ ସୃଷ୍ଟି ନାଶ" ନ୍ୟାୟରେ
ଅର୍ଥ ସ୍ବଭାବେ ଧର୍ମ ନଷ୍ଟ
ଅର୍ଥାଭାବେ ସ୍ବଭାବ ନଷ୍ଟ ଧର୍ମରେ
ଉଭୟଙ୍କ ସନ୍ତାନ
ହୁଅନ୍ତି ଅପରାଧ ପ୍ରବଣ ।
କେବଳ ନୁହେଁ ପରିବାର ନିୟନ୍ତ୍ରଣ
ଶିକ୍ଷା ସଂସ୍କାର ସହ
ଥିଲା ବାଲା ନଥିଲା ବାଲା
ହେଲେ ସଚେତନ ,
ଉତ୍କର୍ଷ ଚରିତ୍ର ଗଠନ ସହ
ଭବିଷ୍ଯତେ ଉଡିବ ସଭ୍ୟତା କେତନ ।