ସ୍ନାହାନ ପୁନେଇଁ

ସରିଲା କାଳିଆ ସ୍ନାହାନ ପୁନେଇଁ

ଶହେ ଆଠ ଗରା ପାଣିରେ ଗାଧୋଇ

ଗଜବେଶେ ଉଭା କାଳିଆ ଗୋସାଇଁ

ଗଣପତି ଭଟ୍ଟ ଭକତର ପାଇଁ ॥

ଖୋଲା ପବନେ ପାଣି ଥଣ୍ତା ଲାଗଇ

ସୁକୁମାର ଦେହ ପାରିଲାନି ସହି

ଥଣ୍ତାଜ୍ବରେ କମ୍ପୁଛି କଳା କହ୍ନେଇ

ଛପନ ଭୋଗ ତ ଆଉ ରୁଚୁନାହିଁ ॥

ନୀଳାଚଳେ ଭକତ ଗହଳ ନାହିଁ

ପନ୍ଦର ଦିନର ପ୍ରତୀକ୍ଷା କରାଇ

ଅଣସର ଘରେ ଯାଇଛି ସେ ଶୋଇ

ବଇଦ ଉପଚାର ତାହାରି ପାଇଁ ॥

ଆରୋଗ୍ୟ ହୋଇବ ଜଡିବୁଟି ଖାଇ

ଫୁଲୁରି ତେଲକୁ ଦେହରେ ଲଗାଇ

ନବଯୌବନ ହେବ କଳା କହ୍ନେଇ

ପତିତଜନ ଦୁଃଖ ହାରିବା ପାଇଁ ॥